| e-texts navigator |
| Wylie |
260b1 ཡངས་སུ།། ཉོན་མོངས་འཁོར་བའི་རྒྱུན་ཐག་བཅད།། ང་དང་བདག་ཏུ་བལྟ་བ་ལ།། གཉིས་མེད་རལ་གྲི་རྣོན་པོ་ཡིས།། བྱང་ཆུབ་སེམས་སུ་རྒྱུན་ཐག་གཅད།། དུག་ལྔའི་ཁང་བུར་བཅུག་པ་ལ།། ཡེ་ཤེས་ལྔ་རུ
260b2 རྒྱུན་ཐག་གཅད།། དུག་གསུམ་དྲ་བར་ཆུད་པ་ལ།། སྐུ་གསུང་ཐུགས་སུ་རྒྱུན་ཟག་གཅད།། ཆགས་སྡང་ལྕགས་སུ་བཙུད་པ་ལ།། ཐབས་དང་ཤེས་རབ་སྤུ་གྲི་ཡིས།། ཆགས་སྡང་གཉིས་ཀྱི་རྒྱུན་ཐག་བཅད།། ཡིད
260b3 གཉིས་ཐེ་ཚོམ་ཟ་བ་ལ།། ཤེས་རབ་ཏིང་འཛིན་བརྟན་པོ་ཡིས།། ཡིད་ཆེས་དད་པར་རྒྱུན་ཐག་གཅད།། སྣང་སྲིད་མ་མོ་ཐམས་ཅད་ཀུན།། རང་གི་སེམས་ལས་བྱུང་བས་ན།། སེམས་ཉིད་ཡིན་པར་རྒྱུན་ཟག
260b4 གཅད།། གཅད་དུ་མེད་དེ་རྣམ་རྟོག་རྣམས།། ཡེ་སངས་རྒྱས་པས་ཡེ་རྩད་གཅད།། ཅེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་གཅད་ཐབས་བསྟན་པའི་སྐབས་ཏེ་བཅུ་གཅིག་པའོ།། །། བདེ་བྱེད
260b5 ལྷ་མོས་ཡང་གསོལ་པ།། དཔལ་ལྡན་རང་བྱུང་རྒྱལ་མོ་ཆེ།། དབབ་གཅད་གཉིས་ཀྱི་བདག་མོ་ན།། ཉིད་ཀྱི་མངོན་དུ་སྒྲུབ་ཐབས་གང་།། རྫས་དང་བྱ་བ་ཇི་ལྟར་ལགས།། ཕྲིན་ལས་གཞུང་བསྲང་ཇི་ལྟར
260b6 ལགས།། སྒྲུབ་ཐབས་རྣམ་པ་དུ་རུ་བསྟན།། དབབ་གཅད་བདག་མོས་བཤད་དུ་གསོལ།། དེ་སྐད་གསོལ་བ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། ལས་སུ་བྱ་བའི་བྱེ་བྲག་རྣམས།། ངེས་པར
iiif viewer powered by OpenSeadragon
