| e-texts navigator |
| Wylie |
260a1 ནག་མོའི་རྒྱུད་ལས་བསད་པ་བསྟན་པའི་སྐབས་ཏེ་དགུ་པའོ།། །། ལྷ་མོ་བདེ་བྱེད་ཡང་གསོལ་པ།། དཔལ་ལྡན་རང་བྱུང་རྒྱལ་མོ་ཆེ།། གསོ་གསད་གཉིས་ཀྱི་བདག་མོ་ན།། ཉིད་ཀྱི་དབབ་བཅད
260a2 ཇི་ལྟར་ལགས།། གསོ་གསད་བདག་མོས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། འཁོར་བའི་ལུང་རོང་སྐམ་པོ་རུ།། བྱང་ཆུབ་སེམས་ཀྱི་ཆུ་བོ་དབབ།། རྣམ
260a3 རྟོག་མེ་ཆེན་འབར་བ་ལ།། ཡེ་ཤེས་ཆེན་པོའི་ཆུ་བོ་དབབ།། དུག་ལྔའི་འབྲས་བུ་སྨིན་པ་ལ།། ཡེ་ཤེས་ལྔ་ཡི་སེར་བ་དབབ།། དུག་གསུམ་ལོ་མ་རྒྱས་པ་ལ།། སྐུ་གསུང་ཐུགས་ཀྱི་ཐོག་ཆེན་དབབ།། གཟུང་འཛིན་རླུང
260a4 ཚུཆུབ་ལྡང་བ་ལ།། ཏིང་འཛིན་བརྟན་པོའི་ཐིབས་ཀྱིས་གནོན།། ཡུམ་གྱི་པདྨའི་བྷ་ག་རུ།། བྱང་ཆུབ་སེམས་ཀྱི་ཆུ་བོ་དབབ།། ཆོས་ཀྱི་དབྱིངས་ཉིད་གདལ་བ་རུ།། རིག་པའི་ཡེ་ཤེས་ཆུ་བོ་དབབ།། མཁའ་དབྱིངས་བདེ
260a5 ཆེན་ཀློང་ཡངས་སུ།། ཤེས་རབ་ཏིང་འཛིན་ཆུ་བོ་དབབ།། མཁའ་འགྲོ་མ་མོའི་ཕྱོགས་ཆད་དུ།། སྙིང་པོ་བྱང་ཆུབ་ཆུ་བོ་དབབ།། དབབ་ཏུ་མེད་དེ་ཡི་ཕབ་ཡིན།། དེ་ལྟར་དབབ་པ་བསྟན་པ་ནི།། བྱང་ཆུབ་སེམས་ཀྱི་ཆུ
260a6 ཆེན་ཏེ།། མ་མོ་མཁའ་འགྲོའི་དབབ་ལུགས་ཡིན།། ཟ་བྱེད་སྦྱང་རྒྱལ་ནག་མོའི་རྒྱུད་ལས་དབབ་པ་བསྟན་པའི་སྐབས་ཏེ་བཅུ་པའོ།། །། དེ་ནས་བཅད་ལུགས་བཀའ་སྩལ་པ།། བདེ་ཆེན་ཆོས་དབྱིངས་ཀློང
iiif viewer powered by OpenSeadragon
