| e-texts navigator |
| Wylie |
259a1 དྲུག་འཁོར་བའི་རྩད་བཅད་དག་པའི་ཞིང་དུ་སྒྲོལ།། རྒྱུད་ལྔ་ལམ་གྱི་སྒོ་ཡང་རང་གི་སེམས་ཡིན་པས།། སེམས་ཉིད་ཡེ་ནས་སངས་རྒྱས་པས།། ངན་སོང་ལམ་ཡང་ཡེ་ནས་མེད།། ཡེ་ནས་དག་པས་དག
259a2 པའི་ཞིང་དུ་སྒྲོལ།། སྣང་སྲིད་ཐམས་ཅད་མ་མོའི་ངང་དུ་བསྒྲལ།། མ་མོ་མཁའ་འགྲོ་བྱང་ཆུབ་སེམས་སུ་བསྒྲལ།། སེམས་ཉིད་ཡེ་སངས་རྒྱས་པས་ཡེ་བསྒྲལ་ཆེན་པོ་ཡིན།། ཞེས་གསུངས་སོ།། ཟ་བྱེད་སྦྱང་རྒྱལ་ནག
259a3 མོའི་རྒྱུད་ལས་སྒྲོལ་བ་བསྟན་པའི་སྐབས་ཏེ་བདུན་པའོ།། །། ལྷ་མོ་བདེ་བྱེད་ཡང་གསོལ་པ།། དཔལ་ལྡན་རང་བྱུང་རྒྱལ་མོ་ཆེ།། སྦྱོར་སྒྲོལ་གཉིས་ཀྱི་བདག་མོ་ན།། ཉིད་ཀྱི་གསོ་གསད་ཇི་ལྟར་ལགས།། སྦྱོར
259a4 སྒྲོསྒོསྒྲོལ་བདག་མོས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། འཁོར་བའི་སྡུག་བསྔལ་ཐམས་ཅད་ཀུན།། བདེ་ཆེན་ཆོས་ཀྱི་དབྱིངས་སུ་གསོ།། ཕྱི་ནང་སྣོད
259a5 བཅུད་ཐམས་ཅད་ཀུན།། སྙིང་པོ་བྱང་ཆུབ་སེམས་སུ་གསོ།། ཐུགས་རྗེ་ཆེན་པོའི་བྱིན་རླབས་ཀྱིས། ཁམས་གསུམ་སེམས་ཅན་ཉོན་མོངས་གསོ།། འདུ་བའི་ནད་ཀྱིས་ཟིན་པ་རྣམས།། བདུད་རྩི་ཆེན་པོའི་སྨན་གྱིས
259a6 གསོ།། ཐུགས་རྗེའི་རྒྱུན་ཐག་ཆད་པ་རྣམས།། རང་བྱུང་ཡེ་ཤེས་ཐུགས་རྗེས་གསོ།། དམ་ཚིག་རྒྱུན་ཟག་ཆད་པ་རྣམས།། མི་བརྗེད་གཟུངས་ཀྱི་ཐུགས་རྗེས་གསོ།། ཤེས་རབ་མེ་སྟག་ཤི་བ་རྣམས།། ཏིང་འཛིན་མི
iiif viewer powered by OpenSeadragon
