| e-texts navigator |
| Wylie |
258b1 བྱུང་རྒྱལ་མོ་ཆེ།། སྒོམ་སྒྲུབ་གཉིས་ཀྱི་བདག་མོ་ནི།། ཉིད་ཀྱི་སྦྱོར་སྒྲོལ་ཇི་ལྟར་ལགས།། སྒོམ་སྒྲུབ་བདག་མོས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། བདེ
258b2 གཤེགས་ཐུགས་ཀྱི་ཡེ་ཤེས་ལ།། རང་གི་ཡེ་ཤེས་བློ་ཡིས་སྦྱོར།། ཐམས་ཅད་ཆོས་ཀྱིས་ཆོས་ཉིད་ལ།། སེམས་ཀྱིས་སེམས་ཉིད་གཉིས་མེད་སྦྱོར།། ཐབས་དང་ཤེས་རབ་གཉིས་མེད་སྦྱོར།། དབྱིངས་དང་ཡེ་ཤེས
258b3 གཉིས་མེད་སྦྱོར།། སངས་རྒྱས་སེམས་ཅན་གཉིས་མེད་སྦྱོར།། འཁོར་བ་མྱང་འདས་གཉིས་མེད་སྦྱོར།། ཕྱི་ནང་སྣོད་བཅུད་གཉིས་མེད་སྦྱོར།། ཡུལ་དང་དབང་པོ་གཉིས་མེད་སྦྱོར།། སྣང་སྲིད་ཐམས་ཅད་མ་མོར
258b4 སྦྱོར།། མ་མོའི་སྙིང་པོ་སེམས་སུ་སྦྱོར།། སེམས་ཉིད་ཡེ་སྦྱོར་ཆེན་པོ་ཡིན།། དེ་ལྟར་གཉིས་མེད་སྦྱོར་བ་ན།། དེ་ནི་མ་མོའི་སྦྱོར་བ་ཡིན།། ཞེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་སྦྱོར་བ་བསྟན་པའི
258b5 སྐབས་ཏེ་དྲུག་པའོ།། །། དེ་ནས་སྒྲོལ་བ་བསྟན་པ་ནི། ཁམས་གསུམ་ཐམས་ཅད་རང་གི་སེམས་ཡིན་པས།། སེམས་ཉིད་ཡེ་སངས་རྒྱས་པས་ཁམས་གསུམ་ཡོངས་སྒྲོལ་ལ།། སྲིད་གསུམ་ཐམས་ཅད་རང་གི
258b6 སེམས་ཡིན་པས།། སེམས་ཉིད་ཡེ་སངས་རྒྱས་པས་བྱར་མེད་འབད་རྩོལ་བྲལ།། སྲིད་པ་དག་པའི་ཞིང་དུ་ཡེ་སྒྲོལ་ཆེན་པོ་ཡིན།། རྒྱུད་དྲུག་ཕུང་པོར་སྣང་བ་ཡང་།། རང་གི་སེམས་ཉིད་ཡིན་ཏེ་ཡེ་སངས་རྒྱས།། རྒྱུད
iiif viewer powered by OpenSeadragon
