| e-texts navigator |
| Wylie |
257b1 སྣང་བ་ཐམས་ཅད་ཀུན།། མ་མོའི་སྐུ་ཡི་བདག་ཉིད་ཡིན།། སྒྲ་རུ་གྲག་པ་ཐམས་ཅད་ཀུན།། མ་མོའི་གསུང་གི་བདག་ཉིད་ཡིན།། སེམས་ཀྱི་དྲན་རྟོག་ཐམས་ཅད་ཀུན།། མ་མོའི་ཐུགས་ཀྱི་བདག་ཉིད་ཡིན།། རང་བྱུང
257b2 ཡེ་ཤེས་ཐམས་ཅད་ཀུན།། མ་མོའི་ཡོན་ཏན་བདག་ཉིད་ཡིན།། ཐམས་ཅད་རང་ལས་བྱུང་བས་ནི།། ཕྲིན་ལས་རྣམ་བཞི་ཅིར་སྤྱད་ཀྱང་།། མ་མོའི་ཕྲིན་ལས་བདག་ཉིད་ཡིན།། དེ་ལྟར་སྤྱད་ལུགས་ཅི
257b3 བདེར་སྤྱད།། ཐམས་ཅད་གཉིས་སུ་མེད་པར་སྤྱད།། ཐམས་ཅད་མ་ལུས་མ་མོར་སྤྱད།། མ་མོའི་སྙིང་པོ་སེམས་སུ་སྤྱད།། ཅེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་སྤྱོད་པ་བསྟན་པའི་སྐབས་ཏེ་གསུམ
257b4 པའོ།། །། ལྷ་མོ་བདེ་བྱེད་ཡང་གསོལ་པ།། དཔལ་ལྡན་རང་བྱུང་རྒྱལ་མོ་ཆེ།། ལྷ་སྤྱོད་གཉིས་ཀྱི་བདག་མོ་ན།། ཉིད་ཀྱི་སྒོམ་སྒྲུབ་ཇི་ལྟར་ལགས།། ལྷ་སྤྱོད་བདག་མོས་བཤད་དུ་གསོལ།། དེ་སྐད་གསོལ་པ
257b5 གསན་ནས་ཀྱང་།། རང་བྱུང་རྒྱལ་མོས་བཀའ་སྩལ་པ།། སྣང་སྲིད་ཐམས་ཅད་མ་མོར་བསྒོམ།། མ་མོ་བྱང་ཆུབ་སེམས་སུ་བསྒོམ།། སེམས་ཉིད་ཡེ་སངས་རྒྱས་པར་བསྒོམ།། ཐམས་ཅད་འབྱུང་བ་ལྔ་རུ
257b6 བསྒོམ།། འབྱུང་བ་ལྔ་ཉིད་ནམ་མཁར་བསྒོམ།། ཕྱི་ནང་སྣོད་བཅུད་ཆོས་རྣམས་ཀུན།། ཆོས་ཉིད་བྱང་ཆུབ་སེམས་སུ་བསྒོམ།། དབྱིངས་དང་ཡེ་ཤེས་གཉིས་མེད་ན།། དེ་ཡང་མ་མོའི་སྒོམ་པ་ཡིན།། ཐབས་དང་ཤེས
iiif viewer powered by OpenSeadragon
