| e-texts navigator |
| Wylie |
257a1 ཡིན།། ཡོངས་ལ་ཁྱབ་པས་མ་མོ་ཡིན།། ཅིར་ཡང་སྣང་བས་མ་མོ་ཡིན།། གང་ཡང་ཤར་བས་མ་མོ་ཡིན། ཁྱབ་པར་གདལ་བས་མ་མོ་ཡིན།། མི་འགྱུར་མི་ཤིགས་མ་མོ་ཡིན།། གཅིག་ལས་མེད་པས་མ
257a2 མོ་ཡིན།། ཐ་དད་མེད་པས་མ་མོ་ཡིན།། མ་མོ་སྒོམ་ཞིང་གྲུབ་ཏུ་མེད།། མ་མོ་བསྒོམས་ཤིང་བསྒྲུབས་ན་འགྲུབ།། བགྲོད་དུ་མེད་པར་གར་ཡང་ཕྱིན།། རྩལ་དུ་མེད་པས་གང་ཡང་འགྲུབ།། གདགས་སུ་མེད
257a3 པས་ཐམས་ཅད་ཡིན།། ཐ་དད་སྣང་བས་གཉིས་སུ་མེད།། གཉིས་མེད་དོན་རྟོགས་མ་མོ་ཡིན།། མ་ནི་སྙིང་པོ་བྱང་ཆུབ་སེམས།། མོ་ནི་རང་བྱུང་ཡེ་ཤེས་ཡིན།། སྙིང་པོ་བྱང་ཆུབ་ཉིད་ལ་ནི།། རང་བྱུང་ཡེ་ཤེས་དེ
257a4 བཞིན་ཉིད།། ཡེ་ནས་རྣམ་དག་སྙིང་པོ་ཉིད།། ཡེ་ནས་ལྷུན་གྱིས་རྫོགས་པར་གནས། ཁྱུང་ཆེན་ནམ་མཁར་ལྡིང་བ་ཡང་།། སྣང་སྲིད་ཕྱི་རྒྱ་རླབས་ཀྱིས་གཅོད།། སྙིང་པོ་བྱང་ཆུབ་ཉིད་ལས་ནི།། མ་མོ་ཞེས་སུ་གདགས
257a5 སུ་མེད།། སྙིང་པོ་བྱང་ཆུབ་སེམས་ལས་ནི།། མ་མོ་གཞན་ནས་བཙལ་མི་རྙེད།། སེམས་ལས་ཀུན་འབྱུང་ཐམས་ཅད་སེམས།། མ་མོ་བྱང་ཆུབ་སེམས་ཀྱི་རྒྱན།། དེ་ལྟར་གཉིས་མེད་དོན་རྟོགས་ན།། མ་མོ་བསྒོམ་ཞིང
257a6 བསྒྲུབ་མི་དགོས།། མ་མོ་ལུས་དང་གྲིབ་བཞིན་འགྲོགས།། ཞེས་གསུངས་སོ།། ཟ་བྱེད་སྦྱང་རྒྱལ་ནག་མོའི་རྒྱུད་ལས་ལྟ་བ་བསྟན་པའི་སྐབས་ཏེ་གཉིས་པའོ།། །། དེ་ནས་སྤྱོད་པ་བཀའ་སྩལ་པ་ནི།། གཟུགས་སུ
iiif viewer powered by OpenSeadragon
