| e-texts navigator |
| Wylie |
256b1 སོགས་པ་ཐམས་ཅད་བདུད་རྩི་ཆེན་པོར་གྱུར་ཏེ། ཐམས་ཅད་ཐུགས་རྗེ་ཆེན་པོས་བདེ་བ་ལ་བཀོད་དོ།། ཟ་བྱེད་སྤྱང་རྒྱལ་ནག་མོའི་རྒྱུད་ལས་གླེང་གཞིའི་སྐབས་ཏེ་དང་པོའོ།། །། ལྷ་མོ་བདེ་བྱེད་མས་འདི་སྐད
256b2 ཅེས་གསོལ་ཏོ།། དཔལ་ལྡན་རང་བྱུང་རྒྱལ་མོ་ཆེ།། ཐུགས་རྗེའི་བྱིན་རླབས་བདག་མོ་ནི།། ཉིད་ཀྱི་ལྷ་སྤྱོད་ཇི་ལྟར་ལགས།། ཐུགས་རྗེའི་བདག་མོས་བཤད་དུ་གསོལ།། ཅེས་གསོལ་པས་དཔལ་ལྡན་རང་བྱུང་རྒྱལ
256b3 མོས་བཀའ་སྩལ་པ། ལྟ་བ་རྣམ་པ་གཉིས་ཡོད་དེ།། གཉིས་པོ་དེ་ཡང་གཅིག་གི་དང་།། རང་བཞིན་ལྷུན་རྫོགས་ལྟ་བ་དང་།། རྟོགས་པ་མངོན་གྱུར་བལྟ་བའོ།། རང་བཞིན་ལྷུན་རྫོགས་ལྟ་བ་ནི།། སྣང་སྲིད་འདི་ལྟར
256b4 སྣང་བའི་ཆོས།། ཕྱི་ནང་སྣོད་བཅུད་ཐམས་ཅད་ཀུན།། མ་མོ་ཉིད་ལས་གཞན་མ་ཡིན།། མ་ནི་ཀུན་གཞི་དབྱིངས་ཀྱི་ཀློང་།། མོ་ནི་བྱང་སེམས་ཡེ་ཤེས་དང་།། དབྱིངས་དང་ཡེ་ཤེས་དོན་རྟོགས་པ།། མ་དང་མོ་ཡི་དོན
256b5 རྟོགས་ཡིན།། མ་མོ་དེ་ལྟར་རྟོགས་པ་ནི།། རྟོགས་པ་མངོན་གྱུར་ལྟ་བ་ཡིན།། དེ་ལྟར་གཉིས་མེད་དོན་རྟོགས་ན།། བགྲོད་པ་མེད་པའི་ས་ཆེན་ནོན།། ཡང་གཅིག་མ་མོའི་ལྟ་བ་ནི།། མ་མོ་སྙིང་པོ་བྱང་ཆུབ
256b6 སེམས།། སྙིང་པོ་ཉིད་ལས་གཞན་མ་ཡིན།། སྙིང་པོ་བྱང་ཆུབ་ཡེ་སངས་རྒྱས།། ཐམས་ཅད་དག་པས་སངས་རྒྱས་ཡིན།། ལྷུན་གྱིས་གྲུབ་པས་མ་མོ་ཡིན།། གཉིས་སུ་མེད་པས་མ་མོ་ཡིན།། རང་ལས་བྱུང་བས་མ་མོ
iiif viewer powered by OpenSeadragon
