| e-texts navigator |
| Wylie |
256a1 གང་།། རྒྱ་ཆེན་བདག་ལ་བཤད་དུ་གསོལ།། ཞེས་གསོལ་པས། དེའི་དུས་དེའི་ཚེ། དཔལ་ལྡན་རང་བྱུང་གི་རྒྱལ་མོ་དེ་ཡང་། སྐུ་མདོག་མཐིང་ནག་འབར་བ། མཆེ་བ་གཙིགས་པ། རལ་བས་ས་གཞི
256a2 ཁེབས་པ་ལ་སྤྱི་བོའི་གཙུག་ན་གཡུའི་རལ་པ་མཐིང་ག་འོད་དུ་འབར་བ་གཅིག་གནས་པ། ཞབས་གྱད་ཀྱི་དོར་ཐབས་སུ་བཞུགས་པ། གཡས་ན་བམ་ཆེན་གྱི་ཙིཏྟ་སྲོག་པ་རྩ་དང་བཅས་ནས་བཟུང་བ། གཡོན་པ་ན
256a3 གཡུའི་སྦྲང་མོ་རྐེ་ནས་བཟུང་ནས་ཕྲ་ཐབས་སུ་བསྣམས་པ། ཏི་ར་རོའི་གདན་ལ་ཏྲག་རཀྵ་ཞེས་བྱ་བའི་སྒྲ་བརྗོད་ནས། ཉིད་ཀྱི་ལས་སྤྲུལ་པའི་མ་མོ་བཀྱེ་སྟེ། སྐུའི་སྤྲུལ་པ་ལས་བལ་མོ་ནག་མོ། གསུང་གི་སྤྲུལ་པ
256a4 ལས་མ་མོ་སྲིན་མོའི་ཚོགས་དང་། ཐུགས་ཀྱི་སྤྲུལ་པ་ལས་མ་མོ་མོན་མོའི་ཚོགས་དང་། གཞན་ཡང་སྦྱོར་གིང་དང་སྒྲོལ་གིང་ལ་སོགས་པ་ཁྲམ་ཐོགས་ཀྱི་བདུད་དང་། སྲོག་གཅོད་ཀྱི་གིང་ལ་སོགས་པ་དང་བཅས་ཏེ།
256a5 སྤྲུལ་པ་མང་པོ་ཉིད་ལས་བཀྱེ་བས། སྣང་སྲིད་ཐམ་ཅད་དུས་གཅིག་ཏུ་གཡོས་པར་གྱུར་ཏེ། ནད་ཀྱི་རླངས་པ་དང་། མཚོན་གྱི་ཆར་པ་དང་། བསྐལ་པ་ཕྲ་མོ་དང་། དུག་དཔལ་ཡམས་ནད་དང་། གནམ་ལྕགས་སེར
256a6 བ་ལ་སོགས་པ། དུས་གཅིག་དུ་འཁྲུགས་པར་གྱུར་ཏེ།། སླར་ཡང་འཁོར་བདུད་ཕོ་མོ་དེ་དག་རང་ལ་རྫོགས་པར་གྱུར་ཏོ།། སྣང་སྲིད་ཐམས་ཅད་བདེ་བ་ལ་དུས་གཅིག་ཏུ་བཀོད་དོ།། དུག་དཔལ་དང་ཡམས་ནད་ལ
iiif viewer powered by OpenSeadragon
