| e-texts navigator |
| Wylie |
255b1 རུལ་དང་མྱགས་དང་རྣམ་པར་སྔོ་བ་དང་།། སྟག་དང་གཟིག་དང་གཅན་གཟན་སྣ་ཚོགས་དང་།། ཀང་ཀ་དུར་བྱ་འདབ་ཆགས་སྣ་ཚོགས་དང་།། ཤིང་ལ་སོགས་པ་སྣ་ཚོགས་དེ་བཞིན་གནས།། ཤ་ཟ་ཁྲག་འཐུང་ལས
255b2 ཀྱི་མཁའ་འགྲོ་དང་།། གིང་དང་ལང་ཀ་གནོད་སྦྱིན་ཕོ་མོའི་གནས།། གཞན་ཡང་དུར་ཁྲོད་གླིང་ན་མ་མོའི་མཁའ་འགྲོའི་ཚོགས།། དཔལ་ཆེན་མཁའ་ལ་གཏོགས་པ་བསམ་མི་ཁྱབ།། དེ་དག་ཐམས་ཅད་འཁོར
255b3 དང་ཐབས་ཅིག་བཞུགས།། དུར་ཁྲོད་གཞལ་ཡས་དེ་ཡི་ཕྱི་རིམ་ན།། དུར་ཁྲོད་མེ་དཔུང་འབར་བས་བསྐོར་ཏེ་གནས།། ཆོས་ཉིད་གང་དུ་མི་འགྱུར་མི་ཤིགས་རྟགས།། རྡོ་རྗེའི་ར་བ་ཕྱོགས་སུ་རྒྱ་མ་ཆད།། དེ་ལྟ་བུ་ཡི
255b4 གཞལ་ཡས་འབར་བ་དེ།། ཕྲིན་ལས་རྣམ་བཞི་ལྷུན་གྱིས་གྲུབ་པའི་རྟགས།། ཕོ་བྲང་གྲུ་གསུམ་མཁའ་དབྱིངས་བདེ་ཆེན་ན།། དུར་ཁྲོད་རོ་ཡི་གདན་ལ་འགྱིང་བའི་ཚུལ།། བུད་མེད་ནག་མོ་མཛེས་པའི་ཆ་བྱད
255b5 ཅན།། དཀར་མོ་སེར་མོ་དམར་མོ་ནག་མོའི་ཚོགས།། ཉིད་ལས་མི་གཞན་འཁོར་གྱིས་བསྐོར་ཏེ་གནས།། ཉིད་ཀྱི་ཐེ་ཚོམ་རྒྱས་པར་བཤད་པའི་ཕྱིར།། ཕྱག་ན་རྡོ་རྗེའི་སྤྲུལ་པ་ལྷ་མོ་བདེ་བྱེད་མ།། ཉིད་ལས་མི་གཞན
255b6 དམོད་པའི་མཚོན་ཆ་ཅན།། རང་ལས་བྱུང་བའི་ནག་མོ་འབུམ་དང་ཆས།། རང་བྱུང་རྒྱལ་མོ་ཉིད་ལ་འདི་སྐད་གསོལ།། ཨེ་མ་ཧོ་རང་བྱུང་རྒྱལ་མོ་ཉིད།། བདག་ནི་རྟག་ཏུ་ཁྱོད་ལ་འདུད། ཁྱོད་ཀྱི་བྱིན་རླབས་ཐུགས་རྗེ
iiif viewer powered by OpenSeadragon
