| e-texts navigator |
| Wylie |
255a1 པའི།། གཡས་གཡོན་ཆུ་སྲིན་ཕྲུ་གུ་ཁ་ལྟ་ཞིང་ཕྱོགས།། སེང་གེ་སྟག་དང་ཆུ་སྲིན་དོམ་གྱི་མགོས།། བྷནྡ་འབར་བའི་གཞལ་ཡས་བད་བགྱིས་ཏེ།། ཐོད་པའི་དྲ་བ་ཚལ་བུའི་དྲ་ཕྱེད་པ།། ཞེ་སྡང་སྦྲུལ་ནག
255a2 ཆེན་པོའི་ཐག་པས་བརྒྱུས།། གསེར་གྱི་དྲིལ་འཁྲོལ་རིན་ཆེན་འོད་ཟེར་འབར།། སྦྲུལ་ནག་གདུག་པའི་ཆུན་པོ་ཉི་ལི་ལི།། ཐབས་དང་ཤེས་རབ་འོད་ཟེར་གསལ་རྒྱས་ཏེ།། གཞན་ཡས་ཕྱི་ནང་མེད་པར་འོད་གསལ
255a3 འབར།། ཐོད་པ་ཁྲག་འཛག་ཟར་བུ་བད་དུ་ལྡན།། སྤྲུལ་པའི་ལྷ་མོས་འདོད་ཡོན་མཆོད་པ་སྟོབ།། རྒྱལ་མཚན་ཆེན་པོ་བཞི་ཡང་གནས་པ་ནི།། བྱང་ཤར་སྤྲུལ་པ་རྡོ་རྗེའི་རྒྱལ་མཚན་དང་།། ཤར་ལྷོ་འདུལ་བྱེད་ལྕགས
255a4 ཀྱི་རྒྱལ་མཚན་དང་།། ལྷོ་ནུབ་ལྔ་ལྡི་དར་གྱི་རྒྱལ་མཚན་དང་།། ནུབ་བྱང་དམར་ནག་ཁྲག་གི་རྒྱལ་མཚན་ཏེ།། རྒྱལ་མཚན་ཆེན་པོ་བཞི་ཡང་དེ་བཞིན་གནས།། དེ་ལྟར་གནས་པའི་གཞལ་ཡས་ཆེན་པོ་དེ།། དཔལ
255a5 ལྡན་རང་བྱུང་རྒྱལ་མོ་བཞུགས་པའི་གནས།། གཞལ་ཡས་ཕྱི་རིམ་ཁྲག་གི་རྒྱ་མཚོར་ནི།། སྤྲུལ་པའི་མ་མོ་མཁའ་འགྲོ་བཞུགས་པའི་གནས།། ཕྱི་རིམ་ཐོད་པའམ་ལྕགས་ཀྱི་གྲོང་ཁྱེར་ནི།། བདུད་དང་སྲིན་པོ་གཤིན
255a6 རྗེ་བཞུགས་པའི་གནས།། མཐའ་མ་ལྕགས་རི་ནག་པོས་བསྐོར་བའི་ནང་།། དུར་ཁྲོད་ཆེན་པོ་བརྒྱད་ཀྱིས་གཏམས་པ་ནི།། དུར་ཁྲོད་བདག་པོ་ཕྱོགས་སྐྱོང་ཡི་དྭགས་དང་།། རོ་ནི་སྣ་ཚོགས་རྣམ་པར་བམས་པ་དང་།།
iiif viewer powered by OpenSeadragon
