| e-texts navigator |
| Wylie |
254b1 ཨེ་ཀ་ཛ་ཏི་ཟ་བྱེད་སྦྱང་རྒྱལ་ནག་མོའི་རྒྱུད་ཅེས་བྱ་བ། དཔལ་རང་བྱུང་གི་རྒྱལ་མོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དཔལ་རང་བྱུང་གི་རྒྱལ་མོའི་གནས།། རང་བཞིན་ལྷུན་གྱིས
254b2 རྫོགས་པ་ཡི།། བྷནྡྷ་འབར་བའི་གཞལ་ཡས་ཁང་།། དཀར་དང་དམར་དང་སེར་དང་ནག་པ་ཡི།། ཕྲིན་ལས་རྣམ་བཞིར་ལྷུན་གྱིས་གྲུབ་པ་ཡི།། ཞི་བས་སྦ་བཀོང་རྒྱས་པས་ཟིལ་གནོན་པ།། དབང་གིས་དབང་སྡུད
254b3 དྲག་པོས་སྒྲོལ་བར་བྱེད། ཁམས་གསུམ་དབང་སྡུད་བྷནྡྷའི་གཞལ་ཡས་ནི།། དྲི་ཟ་ལ་སོགས་ཕྱོགས་སྐྱོང་བཅུ་ཡི་མགོས།། ཤར་ལ་སོགས་པ་དེ་བཞིན་རབ་ཏུ་མཛེས།། བྷནྣའི་གཞལ་ཡས་ལྷུན་གྱིས་གྲུབ་པ
254b4 ལ།། གནམ་ལྕགས་འབར་བའི་གཟེར་ཆེན་རབ་ཏུ་བཏབ།། ཡེ་ཤེས་ལྔ་ལྡན་ཁ་དོག་རབ་ཏུ་འཕྲོ།། ལྷ་བརྒྱད་ཀ་བ་ཀླུ་བརྒྱད་གདུང་དུ་བྲེས།། གཟའ་བརྒྱད་ཕྱམ་བྲེས་རྒྱུ་སྐར་དྲལ་དྲ་བ་བགྱིས།། རཱུ་ཏྲ་དཀར་པོ་སེར
254b5 པོ་དམར་པོ་དང་།། ལྗང་གུ་ལ་སོགས་པགས་པས་ཐོག་ཀྱང་ཕུབ།། ཡེ་ཤེས་བཞི་ལྡན་སྒོ་བཞིར་གནས་པ་ནི།། སྒོ་སྐྱེས་གཡས་གཡོན་ཆུ་སྲིན་འགྲམ་པ་ལ།། གཟས་པ་ཕོ་མོས་ཡ་ཐེམ་མ་ཐེམ་བྱས།། ཆུ་སྲིན་ཐོད་པའི
254b6 རྟ་བབས་རབ་ཏུ་མཛེས།། བ་དན་སུམ་ཅུ་རྩ་གཉིས་རབ་ཏུ་གཏིབས།། ཆོས་ཀྱི་འཁོར་ལོ་རབ་ཏུ་ཉམས་སུ་དགའ།། འོད་ཟེར་དམར་ནག་འཕྲོ་འདུ་རྒྱུན་མི་འཆད།། ཆོས་ཀྱི་འཁོར་ལོ་སྨུག་ནག་གདུགས་ཕུབ
iiif viewer powered by OpenSeadragon
