| e-texts navigator |
| Wylie |
249b1 རྔུབ།། ལྕེ་ཡི་སྟེང་དུ་མཁས་པས་བཞག། གསང་སྔགས་འདིས་ནི་གནད་ལ་དབབ།། ཧྲཱིཿཔདྨ་ཏ་ཀྲིཏ་ཧ་ཡ་གྲཱི་བ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་མུ་ཙིཏྟ་ཏྲ་ཏ་ཕཊ་ནན། ཧུ་ལུ་ཧུ་ལུ་ཧཱུཾ་ཕཊ། ཆེ་བའི་ང་རྒྱལ
249b2 འདི་སྐད་བསྐྱེད།། ང་ནི་སངས་རྒྱས་ཀུན་གྱི་ཡབ།། ང་ནི་བདེ་གཤེགས་ཀུན་གྱི་གཙོ།། ང་ནི་གཤིན་རྗེ་ཀུན་གྱི་གཤེད།། ང་ནི་མ་མོ་ཀུན་གྱི་ཡབ།། ང་ནི་དུར་ཁྲོད་ཉིད་ཤ་ཅན།། ང་ནི་བདུད་ཀྱི་བདུད་ཆེན
249b3 པོ།། ཐམས་ཅད་དབང་ཆེན་ང་ཡི་སྐུ།། པདྨ་ཤྲཱི་ཧེ་རུ་ཀ། ང་ནི་སྦྱོར་བདག་ཆེན་པོ་སྟེ།། ཡཀྐ་ཤྲཱི་ཧེ་རུ་ཀ། ང་ནི་སྒྲོལ་བདག་ཆེན་པོ་སྟེ།། རཀྵཀྑ་ཤྲཱི་ཧེ་རུ་ཀ། ང་ནི་དམ་ཚིག་ཆེན་པོ་སྟེ།། ས་མ་ཡ་ཤྲཱི་ཧེ་རུ་ཀ། ང་ནི་ཐམས
249b4 ཅད་སྦས་པའི་རང་བཞིན་ཏེ།། གུ་ཧྱ་དཔལ་ཆེན་ཧེ་རུ་ཀ། ང་ནི་དུས་གསུམ་ཀུན་ཏུ་འབྱུང་།། ང་ནི་དུས་གསུམ་ད་ལྟར་གནས།། ང་ནི་དུས་གསུམ་སླད་ཀྱི་འབྱུང་།། དུས་གསུམ་འདི་ནི་ང་ཡི་དབང་།། དཔལ་འབར
249b5 དབང་ཆེན་སྐུ་བཞེངས་པ།། དམར་ནག་འབར་བ་འཇིགས་པའི་སྐུ།། དབུ་ལྔ་ཕྱག་ཀྱང་བཅུ་དྲུག་པ།། ཞབས་ཀྱང་འབར་བ་དྲུག་ཏུ་བགྲད།། དུར་ཁྲོད་འབར་བའི་ཆས་ཀྱིས་བརྒྱན།། རྡོ་རྗེའི་གཤོག་པ་ནམ་མཁར
249b6 གདེངས།། ཐོད་སྦྲུལ་འབར་བའི་རྒྱན་གྱིས་བཀླུབས།། མེ་དཔུང་འབར་བའི་ནང་ན་བཞུགས།། ཞལ་བགྲད་འབར་བའི་མཆེ་གཙིགས་ཤིང་།། སྤྱན་བཟློག་སྨིན་མ་གློག་ལྟར་འཁྱུག། ཚམ་རྔམས་དྲག་པོས་མ་མོ
iiif viewer powered by OpenSeadragon
