| e-texts navigator |
| Wylie |
241b1 ཡང་རླག་པར་ངེས།། སྤུ་གྲི་ཡ་མའི་རྒྱུད་ལས་དྲག་སྔགས་ཉུང་དཀར་ལ་བརྟེན་པའི་ལེའུ་སྟེ་བཅུ་བཞི་པའོ།། །། དེ་ནས་དཔལ་པདྨ་གར་གྱི་དབང་ཕྱུག་གིས། ཕྱི་ནང་གསང་བ་རྣམ་པ་གསུམ།། ངན་ཐབས་རྣམ
241b2 གསུམ་བཀའ་སྩལ་པ།། སྣརེལ་གྲི་མོ་ཡི་ཐོད་པ་རུ།། སྒྲོན་མོ་ཉིད་ཀྱི་མཎྜལ་བྲི།། དྲག་པོའི་སྣོད་དུ་ཐུན་བཞི་བཅའ།། དབུས་སུ་སྙིང་ཐུན་ཉིད་ལ་བསྡུ།། མཐའ་མ་ངན་ཐབས་རྣམ་པ་གསུམ།། འདོད་ཆགས་བྱ་ལ་ཐུན
241b3 ཟོཟེར་བྱ།། ཞེ་སྡང་ཁྱི་ལ་སྦྱིན་བསྲེག་བྱ།། གཏི་མུག་ཙ་ར་དག་ལ་མནན།། ཕུར་པས་གདབ་ཅིང་ཁྲག་ཐུན་བརྡེག། ཕྱེད་ཕྱར་ཕྱེད་ནི་ཆུ་ལ་གཏོར།། སྙིང་ཁྲག་དུག་སྣ་མིང་བྱང་བསྲེག། སྔགས་བརྗོད་ཀླུ་བདག་གཉེན
241b4 སར་མནན།། སྐྱེ་ཚེ་སྙིང་སྣ་ཁྲག་སྣ་དུག། སོག་པ་མིང་བྱང་ཙིཏྟ་ཡང་།། སྐེ་ལ་བསྐོན་ལ་དགྲ་སར་བསྐུལ།། རྒྱུན་དུ་བླ་རྡོ་ལུག་ལ་བྱ།། སྔགས་ལ་ཕྱི་ནང་གསང་བ་གསུམ།། དེ་ལ་ཕྱི་ལྟར་བཟླས་པ་ནི།། ཏྲག་རཀྟ་ཁ
241b5 མུན་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། ཐོག་མཐའ་ཐག་དང་བྷྱོ་ཡིས་སོ།། བར་ན་བཅོ་ལྔ་འབྲུ་གནས་པ།། མ་ཅིག་མ་ཡི་ཡང་སྙིང་ངོ་།། མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། ཐོག་མཐའ་མ་དང་བྷོ་ཡིས
241b6 སོ།། བར་ན་བཅུ་བཞིའི་འབྲུ་གནས་པ། ནང་ལྟར་བཟླས་པའི་ཡང་སྙིང་ཡིན།། ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ།། ཐོག་མཐའ་ཏྲག་དང་བྷྱོ་ཡིས་སོ།། བར་ན་བཅུ་གཉིས་འབྲུ་གནས་པ།། གསང་བར
iiif viewer powered by OpenSeadragon
