| e-texts navigator |
| Wylie |
240b1 སྣ་ལྔའི་ཆག་ཆག་གདབ།། གསང་བ་མཆོག་གི་དཀྱིལ་འཁོར་ནི།། དབུས་ཀྱི་གྲུ་གསུམ་ཐུར་དུ་བྲུ།། སོར་གཉིས་འཕང་དུ་གྱེན་ལ་བསྟོད།། དུར་ཁྲོད་སོལ་བས་ནག་པོར་བྱ།། ཟླ་གམ་དམར་པོ་གསུམ་གྱིས
240b2 བསྐོར།། མུ་ཁྱུད་དཀར་པོ་ཟོད་ཕྲེང་དམར།། གྲུ་ཆད་བཞི་ནི་ལྗང་གུར་བྱ།། བར་ཁྱམས་རྣམས་སུ་སེར་པོ་ལ།། སྒོ་བཞི་ཕྱོགས་ཀྱི་རིགས་དང་སྦྱར།། དབུས་ཀྱི་གྲུ་གསུམ་ཧེ་ཞལ་དུ།། འདོད་ཆགས་རང་ཤེས་ཐོད
240b3 པར་ནི། ཁྱི་སྨུག་མོ་དང་ལུག་སྨུག་མོ།། ར་སྤུག་མོ་དང་བྱ་སྨུག་མོ།། སྤུག་མོ་བཞི་ཡི་སྙིང་ཁྲག་བསྩལ།། དར་སྨུག་པོ་ཡི་གུར་ཁང་དབུབ།། བར་ཁྱམས་སྒོ་བཞིར་འབྲུབ་ཁུང་བཞི།། དྲག་པོའི་ཐོད་པར་ཐུན་བཞི
240b4 བཅའ།། ཤར་དུ་ར་སྨུག་སྙིང་ཁྲག་ཐུན།། ལྷོ་རུ་ཁྱི་སྨུག་སྙིང་ཁྲག་ཐུན།། ནུབ་ཏུ་ལུག་སྤུག་སྙིང་ཁྲག་ཐུན།། བྱང་དུ་བྱ་སྨུག་སྙིང་ཁྲག་ཐུན།། ཉུང་དཀར་ཉུང་ནག་སྐེ་ཚེ་དང་།། ཤང་ཚེ་བཞི་ལ་བསྔགས་ཤིང
240b5 བླུག། དཀྱིལ་འཁོར་ལྕགས་རིའི་སྒོ་བཞི་རུ།། སྨན་དང་རཀྟ་གཏོར་མ་བཞག། བྱང་སྒོར་མ་མོ་བརྟེན་པའི་རྫས།། ཟངས་སམ་འཁར་བའི་གཞོང་པ་རུ།། སྤུག་མོ་བཞི་ཡི་ཁྲག་མཚོ་བསྐྱིལ།། སྨུག་མོ་བཞི་ཡི་ཁྲག་གི
240b6 ནི།། རམ་བུའི་ཕྱེ་ལ་སྤྲས་པ་ཡི།། དཔལ་བཤོས་ཟུར་གསུམ་ཁྲུ་གང་ཚད།། སེང་ལྡེང་ཕུར་པ་ཁྲུ་གང་ལ།། བུད་མེད་སྨུག་མོའི་དབང་པོ་ལྔ།། སྐྲ་དང་སོ་དང་སེན་མོ་ལ།། གང་ལ་བྱ་བའི་གསོན་ཐུན་དབབ།། འབུར
iiif viewer powered by OpenSeadragon
