| e-texts navigator |
| Wylie |
235b1 བྱ།། སྐྱེ་ཤི་མེད་པར་བསྒྲལ་བ་ཡང་།། ཐིག་ལེ་ཉིད་ལས་མ་གཡོས་ན།། སྤྱོད་པ་ཐིག་ལེ་རོལ་པའི་རྒྱན།། ཞེས་བཀའ་སྩལ་ཏོ།། སྤུ་གྲི་ཡ་མའི་རྒྱུད་ལས་སྤྱོད་པས་ལ་དོར་བའི་ལེའུ་སྟེ་བཞི་པའོ།། །། དེ་ནས
235b2 དཔལ་པདྨ་གར་གྱི་དབང་ཕྱུག་གིས། ཁམས་གསུམ་དབང་དུ་བསྡུ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིམ་པ་དབང་གིས་བགྲོད་པ་འདི་ཆེད་དུ་བཀའ་སྩལ་ཏོ།། དབང་གི་ངོ་བོ་ཤེས་རབ་སྟེ།། ཏིང་ངེ
235b3 འཛིན་དང་ལྡན་པ་ལ།། ལུང་བསྟན་བྱིན་གྱིས་བརླབ་པ་དང་།། དབང་བསྐུར་ཐོབ་པར་བྱ་བ་ལ།། ཕྱི་ནང་གསང་བ་རྣམ་གསུམ་སྟེ།། དེ་ལ་ཕྱི་ཡི་དབང་བསྐུར་བ།། མ་མོ་མཁའ་འགྲོ་འདུ་བའི་སར།། དུར་ཁྲོད་གསང
235b4 བའི་དཀྱིལ་འཁོར་དུ།། མ་གཅིག་བསྙེན་ཅིང་སྒྲུབ་པ་དང་།། མཚན་མའི་བརྟན་པ་ཐོབ་བྱ་སྟེ།། གསང་བ་མཆོག་གི་དམ་རྫས་ཀྱིས།། དམ་ལ་མི་ལྡོག་དབང་བསྐུར་རོ།། ནང་གི་དབང་བསྐུར་ཐོབ་བྱ་བ།། བདག་ཉིད
235b5 དབང་ཆེན་སྐུར་བསྒོམས་ཏེ།། གཟུངས་མ་ཤ་མདོག་དམར་བ་ལ།། བདག་མོར་དབང་བསྐུར་བྱིན་གྱིས་བརླབ།། ཐིག་ལེ་བྱང་ཆུབ་སེམས་སྤྲོས་ལ།། བྱང་སེམས་ཐིག་ལེ་དཀར་དམར་གྱིས།། སྐུ་གསུང་ཐུགས་དང
235b6 ཡོན་ཏན་དང་།། ཕྲིན་ལས་རྣམས་སུ་དབང་བསྐུར་རོ།། ཏྲག་རགྣ་མུ་ཏྲ། ཨེ་ཀ་ཛ་ཏི་སྙིང་ཁ་རག་མོ་ཀ་ཡ་བཛྲ་སྭ་བྷ་ཝ་ཨཱཏྨ་ཀོ&ཧཾ། ཞེས་པས་མ་མོའི་སྐུའི་དབང་ཐོབ་པར་གྱུར་ཅིག་ཏྲག་རགྣ་མུ་ཏྲ་ཨེ་ཀ་ཛ་ཏི་སྙིང་ཁ
iiif viewer powered by OpenSeadragon
