| e-texts navigator |
| Wylie |
235a1 ལེ་སྙིང་པོ་བྱང་ཆུབ་སེམས།། ངོ་བོ་འདི་འདྲ་མ་ངེས་པས།། རིག་དང་མ་རིག་རང་བྱུང་ནས།། ལས་དང་ཡེ་ཤེས་གཉིས་སུ་སྣང་།། མ་རིག་པ་ལ་མངོན་ཞེན་ནས།། ལས་ཀྱི་མ་མོར་གཟུང་བ་ཡི།། རང
235a2 སེམས་རང་གི་དོན་དུ་ཆེ།། ཁམས་གསུམ་འཁོར་བའི་གཡང་ས་ཡིན།། དུག་སྦྲུལ་རྒྱ་མཚོར་ལྷུང་བར་འགྱུར།། རིག་པ་ཡེ་ཤེས་མ་མོ་སྟེ།། མ་མོ་ཐིག་ལེ་བྱང་ཆུབ་སེམས།། ཐིག་ལེ་ཉིད་ལ་ཉིད་སྣང་སྟེ།། རིག་དང་མ
235a3 རིག་ཐིག་ལེར་མཉམ།། ལས་དང་ཡེ་ཤེས་གཉིས་སུ་མེད།། མ་མོ་རང་བྱུང་ཡེ་ཤེས་ཏེ།། རང་བྱུང་ཡེ་ཤེས་རང་ལ་སྣང་།། དེ་རྟོགས་དེ་ལ་གང་གནས་པ།། སངས་རྒྱས་སྙིང་པོ་ཡིན་པར་བཤད།། སྤུ་གྲི་ཡ་མའི་རྒྱུད
235a4 ལས་མ་མོ་བྱང་ཆུབ་ཏུ་སྲོག་གཟུང་ཞིང་ལྟ་བས་ལ་བཟླ་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག་གི་བླང་དོར་མེད་པའི་ཏིང་ངེ་འཛིན་ལ་སྙོམས་པར་ཞུགས
235a5 ནས། སྤྱོད་པས་ལ་དོར་བ་འདི་ཆེད་དུ་བཀའ་སྩལ་ཏོ།། ཐིག་ལེ་སྤྲོས་བྲལ་མ་གཅིག་མ།། ཐམས་ཅད་འབྱུང་གནས་ཀུན་བཟང་མོ།། གཉིས་མེད་སྤྱོད་པ་བདེ་བའི་མཆོག། གཟུགས་སྣང་སྒྲར་གྲག་སེམས་སྣང
235a6 བ།། མ་མོའི་སྐུ་གསུང་ཐུགས་ཉིད་དེ།། དེ་ཉིད་ཐིག་ལེར་ལོངས་སྤྱོད་པ།། སྤྱོད་པ་རྨད་དུ་བྱུང་བ་ཡིན།། ཕན་གནོད་དམིགས་འགྲོ་ཡོན་ཏན་ཞིང་།། བྱེད་སྤྱོད་ཕྲིན་ལས་རྣམ་པ་བཞི།། གཉིས་མེད་བདེ་བར་སྦྱར་བར
iiif viewer powered by OpenSeadragon
