| e-texts navigator |
| Wylie |
107b1 བཤད་དུ་གསོལ།། དེ་ནས་ཡུམ་ཆེན་མོས་གནས་དེར་འདུས་པའི་འཁོར་དེ་དག་ལ་འདི་སྐད་ཅེས་གསུངས་སོ།། གསང་བ་ལས་ཀྱང་ཆེར་གསང་ཤིན་ཏུ་གསང་བའི་ཡང་གསང་བ། ཟབ་པ་རབ་ཏུ་ཟབ་པ་ཀུན་ཏུ་ཟབ
107b2 པ་ཟབ་པའི་ཡང་ཟབ་པ། ཕྲ་བ་ཀུན་ཏུ་ཕྲ་བ། ཀུན་ནས་ཕྲ་བའི་ཡང་ཕྲ་བ་དང་། གྲོལ་བ་ཡེ་ནས་གྲོལ་བ། ངེས་པར་གྲོལ་བའི་ཡང་གྲོལ་བ་སྟེ། གསང་སྔགས་མ་མོའི་དབང་བཞིན་དང་། བཅུ་དྲུག་གི་རང་བཞིན་གྱི
107b3 མ་མོ་བཞི་དང་། བཅུ་དྲུག་ལ་སོགས་པ་དང་། ང་ཡིས་བཤད་ཀྱི་ལེགས་པར་ཉོན་ལ་ཡིད་ལ་ཟུང་ཞིག་གལ་ཏེ་ངས་གསང་སྔགས་མ་མོ་བཤད་དམ་ཤེས་སམ། ལེ་ལོ་འམ་གྲགས་པའམ། སྙོམས་ལས་ལ་སོགས་པས
107b4 ཚུལ་མ་ཡིན་པར་བཤད་ན་མཁའ་འགྲོ་ཁྲོས་པའི་བར་ཆོད་ཅེས་བྱ་སྟེ། ང་ཡི་མགོ་ཚལ་པ་བརྒྱ་དང་སྙིང་དུམ་བུ་སྟོང་དང་། ལྕེ་དུས་ཀྱི་མེས་ཚིག་སྟེ་ཤི་ནས་ན་རག་ཏུ་འཚེད་པར་འགྱུར་ལ། དེ་བཞིན་དུ་ཁྱད་ཀྱང་ངའི
107b5 བཀའ་གནང་པ་ཐོབ་པར་བྱ་བའི་ཕྱིར་བཻ་ཌཱུརྱ་ལ་སོགས་པའི་མེ་ཏོག་དབུལ་བ་དང་། བསོད་ནམས་དང་ཡེ་ཤེས་ཀྱི་ཚོགས་བསག་པའི་ཕྱིར་གླེང་གཞི་དང་། གཞུང་དང་། རྗེས་སུ་ཡི་རང་བའི་ཚོགས་ཀྱི་འཁོར་ལོ
107b6 བསྐོར་བ་དང་བར་གཅོད་ཉེར་བར་ཞི་བ་དང་། གནས་སྐབས་ཀྱི་དམ་ཚིག་ཉམས་པ་བསྐང་བའི་ཕྱིར། གཏོར་མ་དང་མཎྜལ་ཚུལ་བཞིན་དུ་བྱས་ཏེ་ལུས་ཙོག་པུར་འདུག་ནས། སེམས་མ་ཡེངས་པར་རྣ་བ་གཏད་དེ།
iiif viewer powered by OpenSeadragon
