| e-texts navigator |
| Wylie |
107a1 དང་རྒྱན་ལ་སོགས་པ་དེ་དག་གིས་འཇིགས་ཤིང་སྐྲག་སྟེ་འདར་ཞིང་དང་ངས་བཞིན་དུ་འཁོད་དོ།། ལྷ་དང་བྱང་ཆུབ་སེམས་དཔའ་རྣམས་ནི། ཡབ་དང་ཡུམ་ལ་ངོ་མཚར་ཆེར་སྐྱེས་ཏེ། ལྷ་ལ་སོགས་པའི
107a2 མཆོད་པ་སྣ་ཚོགས་པས་མཆོད་དེ། ཀུན་གྱིས་བསྐོར་བ་ལན་གསུམ་བྱས་ནས་གནས་སོ།། དེ་ནས་ཡང་ནམ་མཁའ་ལས་སེམས་ཅན་མ་མོ་འདུལ་བ་སྤྱི་མཐུན་གྱི་སྨོན་ལམ་དང་། ལས་དང་ཏ་ཐཱ་ག་ཏའི་ཐུགས་རྗེའི
107a3 སྤྲུལ་པའི་ངང་ཉིད་ཀྱིས་སྒྲ་ཆེན་པོ་སྣ་ཚོགས་བྱུང་ནས། ཡབ་མངོན་རྫོགས་ལྷ་ཡི་རྒྱལ་པོ་བསྐུལ་ལོ།། དེའི་ཚེ་འཇིག་རྟེན་འདིར་ཡངས་ཆེར་གཡོས་ཏེ་སེམས་ཅན་ལོང་བས་གཟུགས་མཐོང་བ་ལ་སོགས་བཀྲ་ཤིས་པ
107a4 སྣ་ཚོགས་ཀྱང་བྱུང་ངོ་།། དེ་ནས་ཡབ་ཀྱིས་ཡུམ་ལ་སེམས་ཅན་གྱི་དུག་གསུམ་རྣམ་པར་སྦྱར་བ་ཞེས་བྱ་བའི་བསྐོར་བ་ལན་གསུམ་བྱས་ཏེ། ཧ་ཧ་དང་ཧེ་ཧེ་ལ་སོགས་པའི་རོལ་པའི་གསུང་དང་ཡུམ་ཆེན་མོ་མུ་ཁ་ལེ
107a5 ལ་གསོལ་པ། མ་མོས་འདུལ་བའི་སེམས་ཅན་ལ།། མ་མོའི་སྲིད་པ་བཀའ་སྩལ་ན།། མ་མོས་འདུལ་བའི་སེམས་ཅན་ལ།། མ་མོ་བགྲོད་པའི་ལམ་དང་ཡང་།། དེ་བཞིན་མ་མོ་བརྟེན་པ་ཡིས།། མ་མོ་ཐོབ་པའི
107a6 འབྲས་བུ་དང་།། ས་དང་ལམ་དང་འབྲས་བུ་ཡིན།། རྟགས་དང་ཚད་དང་ངོ་བོ་དང་།། དེ་ཡིས་སྤང་བའི་རྣམ་རྟོག་དང་།། དེ་ལ་བར་དུ་གཅོད་པའི་བདུད།། མ་མོ་ལ་འཇུག་གང་ཟག་དང་།། འདི་རྣམས་ཁྱོད་ཀྱིས
iiif viewer powered by OpenSeadragon
