| e-texts navigator |
| Wylie |
106b1 གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་བཞུགས་ཏེ། དེའི་ཚེ་ནམ་མཁའ་ལས་སྒྲ་ཆེན་པོ་སྣ་ཚོགས་པ་དང་གཟུགས་སྣ་ཚོགས་པ་བྱུང་སྟེ། འཇིག་རྟེན་གྱི་མུ་ཁ་ལེ་ལ་སོགས་པ
106b2 ལས་ལ་གནས་པའི་མཁའ་འགྲོ་མའི་ཚོགས་ཐམས་ཅད་དང་། རིག་པ་ཏིང་ངེ་འཛིན་གྱི་མུ་ཁ་ལེ་ལ་སོགས་པའི་རྩ་ལ་གནས་པའི་མཁའ་འགྲོ་མ་ཐམས་ཅད་དང་། ཡེ་ཤེས་ཀྱི་མུ་ཁ་ལེ་ལ་སོགས་པའི་འབྲས་བུ་ལ
106b3 གནས་པའི་མཁའ་འགྲོ་མ་ཐམས་ཅད་དང་། འཕགས་པ་སྤྱན་རས་གཟིགས་ལ་བྱང་ཆུབ་སེམས་དཔའ་ཐམས་ཅད་དང་། ཀུན་དགའ་བོ་ལ་སོགས་པ་ཉན་ཐོས་དང་རང་རྒྱལ་བ་ཐམས་ཅད་དང་། མི་མཇེད་ཀྱི་བདག
106b4 པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་ལ་སོགས་ཏེ་ལྷ་ཐམས་ཅད་དང་། སྒྲ་གཅན་ལ་སོགས་ལྷ་མ་ཡིན་ཐམས་ཅད་དང་། ཉི་མ་ལ་སོགས་པ་གཟའ་ཐམས་ཅད་དང་། སྨིན་དྲུག་ལ་སོགས་པ
106b5 སྐར་མ་ཐམས་ཅད་དང་། ཧ་རི་ཀ་སོགས་ཏེ་གནོད་སྦྱིན་ཐམས་ཅད་དང་། ལང་ཀ་མགྲིན་བཅུ་ལ་སོགས་ཏེ་སྲིན་པོ་ཐམས་ཅད་དང་། གཞན་ཡང་ལྷ་མ་སྲིན་སྡེ་བརྒྱད་དང་། ལྷ་འདྲེས་གཉེན་བཅུ་ལས་ཀྱི་རྫུ་འཕྲུལ
106b6 གྱི་མཐུ་དང་ལྡན་པ་ཐམས་ཅད་སྒྲ་དང་གཟུགས་དེས་བསྐུལ་ནས་ཡུམ་ཆེན་མོ་མུ་ཁ་ལེ་དང་། ཡབ་མངོན་རྫོགས་ལྷའི་ཐད་དུ་འདུས་པར་གྱུར་ཏོ།། དེ་ནས་འཇིག་རྟེན་པ་ཀུན་གྱི་ཡབ་དང་ཡུམ་གྱི་སྐུ་མདོག
iiif viewer powered by OpenSeadragon
