| e-texts navigator |
| Wylie |
105b1 ལེའུ་སྟེ་བདུན་པའོ།། །། ལྕགས་ཁང་གྲུ་གསུམ་འབར་བའི་སྟེང་།། དུར་ཁྲོད་རས་ཀྱི་ས་གཞི་ལ།། རུས་སྦལ་ནག་པོའི་གཟུགས་སུ་བྲི།། དེ་སྟེང་དྲེགས་པའི་གཟུགས་བཞག་སྟེ།། དྲེགས་པའི་ཡན་ལག
105b2 བཞི་པོ་ལ།། འབྱུང་བ་བཞི་ཡི་འཁོར་ལོ་དགོད།། འཁོར་ལོའི་སྟེང་དུ་བསྐྱེད་བྱ་བ།། ཀླུ་ཆེན་བཞི་ཡི་གཟུགས་སུ་བྱ།། དེ་སྟེང་སྦས་པའི་མ་བཞི་དགོད།། ཡུམ་གྱི་ཞབས་བརྒྱད་འབར་བ་ཡིས།། མ་ཆེན་བཞི་ཡི་དབུས
105b3 ནས་བརྫིས།། དབུ་ལ་ཡབ་ཀྱིས་དབུ་བརྒྱན་པ།། ཡབ་ཀྱི་ཕྱག་ན་བསྣམས་པ་ནི།། པླཀྵའི་ཤིང་ལ་རྡོ་རྗེའི་གཟུགས།། ཕྱག་ན་འདྲིལ་ཞིང་འཁོར་ལོ་བསྐོར།། ཨོཾ་ཤྲཱི་ཧེ་རུ་ཀ་ཀྲོ་ཏཱི་ཤྭ་རི་མུ་ཏྲི་ནི་རྦད། ཤན་ཏྲི་ནི་རྦད། བྷ
105b4 ག་དུན་ཏྲི་ནི་རྦད། ཁ་མུན་དུན་ཏྲི་ནི་རྦད། ཡབ་ཡུམ་འོད་ཟེར་འབར་བ་ཡིས། མ་བཞིའི་ཐུགས་ལས་རྒྱུད་བསྐུལ་བས།། རུས་སྦལ་ཁོག་པའི་འཇུག་སྒོ་བཞིར།། ཡིག་འབྲུ་ནད་ཀྱི་མཚོན་སྤྲིན་ནི།། སོལ་དུམ་ཚྭ་ཚྭ
105b5 འཁྲུག་པ་ལྟར།། དམ་སྲིའི་སྲོག་རྩ་ཆེན་པོ་བཞི།། འོད་ཟེར་ཚ་ཚ་འཁྲུག་པར་སྤྲོ།། དམ་སྲི་རྣམ་ཤེས་བརྒྱད་ཀྱི་རྟེན།། སྲིན་བུ་མེ་ཁྱེར་འདྲ་བ་དེ།། སྔགས་གཟེར་ནག་པོས་གཅོད་ཅིང་གསོད།། རེ་རེ་ལ་ཡང་སྟོང་རྩ
105b6 བརྒྱད།། འཁོར་ལོ་གནད་ལ་ཕེབ་པ་དང་།། འཁོར་ལོའི་དབུས་སུ་དྲིལ་བྱས་ཏེ།། དུར་སོལ་ས་སྦྱིན་འདྲེས་པ་ཡི།། པུ་ཏྲ་ཟླ་བ་མོན་པའི་གཟུགས།། གཉིས་ཀྱི་ལྟོ་བར་དྲིལ་ལ་གཞུག། མཆོད་རྟེན་ནག་པོའི་རྨང་གི
iiif viewer powered by OpenSeadragon
