| e-texts navigator |
| Wylie |
103a1 ཁྱབ།། གཡོན་གྱི་གཤོག་པ་བརླབ་པ་ཡིས།། གསེར་གྱི་ས་གཞི་འབར་བ་གཤོག། ལྷོ་ནས་གཡུ་འབྲུག་འབར་བ་འཁྲུག། ལྗགས་ལ་གློག་འཁྲུག་ལྡིབས་སོ་ལྡིབ།། ལྗགས་ཀྱི་རྩེལ་ཐོག་ཆེན
103a2 འབེབས།། སྤྱན་ནས་ལྕགས་ཀྱི་སེར་ཆེན་འབེབས།། ཤངས་ནས་བུ་ཡུག་འཆུབ་མར་འཐོར།། ཙིཉྩ་ཐུགས་ཀྱི་གསང་སྒོ་ནས།། ཟུར་ཕུད་ལྔ་ཡི་ཆོ་འཕྲུལ་འགྱེད།། དཀར་མོ་བཅུ་གསུམ་དབྱིངས་ནས
103a3 བཞེངས།། ཐུགས་ལས་བཅོ་བརྒྱད་ཆོ་འཕྲུལ་འགྱེད།། གཡས་ནས་ཁྲོ་བོའི་རོལ་པ་མཛད།། གཡོན་ནས་མ་མོའི་འོད་ཟེར་འཕྲོ།། སྤྲུལ་པ་ཕྲ་ཐབས་སྣ་ཚོགས་མཛད།། དྲེགས་པ་བཅུ་དྲུག་གནས་ནས
103a4 བསྐྱོད།། མངགས་པ་ཕོ་ཉའི་ལས་བྱའོ།། ཁ་འབར་ནག་པོ་ལས་རྒྱ་མཚོའི་རྒྱུད་ལས། འཁོར་ལོ་ལ་དབབ་པའི་ལེའུ་སྟེ་ལྔ་པའོ།། །། མེ་ལ་སོགས་པའི་དོན་བཤད་པ།། ས་ཡི་མཎྜལ་སྦྱངས་པ་རུ།། རྒྱལ་མོ་ལྔ
103a5 ཡི་ཞལ་བྱ་སྟེ།། ཤར་ཕྱོགས་སེང་གེ་བགྲད་པའི་ཞལ།། དབུས་སུ་ཧོམ་ཁུང་མཐིང་ནག་བྱ།། ལྷོ་རུ་གླང་ཆེན་བརྗིད་པའི་ཞལ།། དབུས་སུ་རིན་ཆེན་འབར་བར་བྱ། ནུབ་ཏུ་རྨ་བྱ་མཛེས་པའི་ཞལ།། དབུས་སུ་པདྨ་འོད
103a6 ཅན་བྱ།། བྱང་དུ་ཁྱུང་ཆེན་འབར་བའི་ཞལ།། སྲིན་པོ་ཁ་གདེངས་དབུས་སུ་བྱ།། དབུས་སུ་རྡོ་རྗེ་གདེངས་པའི་ཞལ།། གསེར་གྱི་འཁོར་ལོ་རྩིབས་བཞིར་བྱ།། གཟས་པའི་དུག་ལྔའི་མཚན་བྱང་ནི།། སྙིང་ཚན་ལྔ་ཡི
iiif viewer powered by OpenSeadragon
