| e-texts navigator |
| Wylie |
9b1 ར་ག་བཛྲ་ཀརྨ། ཨངྐུ་ཤ་ཛཿ། ཧཱུཾ་པཱ་ཤ་ཧཱུཾ། བཾ་སྥོ་ཊ་བཾ། ཧོཿགན་དྷེ་ཧོཿ། རྡོ་རྗེ་དང་ནི་འཁོར་ལོ་དང་།། རིན་ཆེན་པདྨ་རྒྱ་གྲམ་སྟེ།། ཤེས་རབ་དོན་སྟོན་དྲིལ་བུ་ལྔ།། ཨུཏྤལ་དང་ནི་ཀླུ་ཤིང་དང་།། རིན་ཆེན་མྱུ་གུ་རལ
9b2 གྲི་དང་།། པདྨ་དཀར་དང་རྡོ་རྗེ་དང་།། ཆོས་ཀྱི་འཁོར་ལོ་རིན་ཆེན་སྟེ།། གཟུགས་མཛེས་མེ་ལོང་རིན་ཆེན་ཕྲེང་།། ཆོས་ཀྱི་པི་ཝང་གར་མཆོག་སྟེ།། འདུག་པའི་མཆོག་དང་མེ་ཏོག་ཕྲེང་།། མར་མེ་དང་ནི་བྱུག་པ
9b3 སྟེ།། གསེག་ཤང་དང་ནི་པི་ཝང་དང་།། གོ་ཆ་དང་ནི་པོ་ཏི་དང་།། རིན་ཆེན་སྒྲོམ་དང་མེ་ཆུར་བསྟན།། ཐབས་མཆོག་རྡོ་རྗེ་དང་ནི་ཤེས་རབ་དྲིལ་བུར་བསྟན།། ཐོད་པ་ནརྀ་མགོ་གདེངས་པ་དང་།། རྡོ་རྗེ་དང་ནི་སྦྲུལ
9b4 ཆེན་དང་།། རྡོ་རྗེ་རྒྱ་གྲམ་ལས་ཀྱིས་གནོན།། ལྕགས་ཀྱུ་དང་ནི་ཞགས་པ་དང་།། ལྕགས་སྒྲོག་དང་ནི་དྲིལ་བུའོ།། ཨེ་མ་བདེ་གཤེགས་ཀུན་གྱི་ཐུགས།། རྟོགས་པར་དཀའ་བའི་སྙིང་པོ་དོན།། བདེ་གཤེགས་ཐུགས
9b5 བསྐུལ་འགྲོ་བའི་ཤེས་པ་བཀྲོལ།། དམ་ཚིག་ཐུགས་ཀྱི་ཕྱག་རྒྱ་བསྟན་པའོ།། ཞེས་གསུངས་ཏེ། ཆོས་ཐམས་ཅད་ཕྱག་རྒྱའི་ངང་དུ་མཁྱེན་ཏོ།། དེ་ནས་ཡང་གསང་བ་མཆོག་གི་བདག་པོས་ཆོས་སྐུ་ཡོངས་སུ་རྫོགས
9b6 པའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་གསུངས་སོ།། རྡོ་རྗེ་འཛིན་དང་འཁོར་ལོས་སྒྱུར།། རིན་ཆེན་མང་དང་པདྨ་འཆང་།། སྣ་ཚོགས་ལས་ལ་སོགས་པ་རྣམས།། སྤྱན་སྔ་ཉིད་དང་ཕྱོགས་བཞི
iiif viewer powered by OpenSeadragon
