| e-texts navigator |
| Wylie |
99b1 དང་།། གནན་དང་གཟིར་བའི་ཕྲིན་ལས་རྣམས།། ཕྱི་རབས་དོན་དུ་ཇི་ལྟར་བསྐུམ།། ཀུན་མཁྱེན་ཁྱེད་ཀྱིས་བསྟན་དུ་གསོལ།། ཞེས་གསོལ་པས།། ཁྲོས་པའི་རྒྱལ་པོས་བཀའ་སྩལ་པ་ནི།། ཨ་ཧོ་རྡོ་རྗེ་འདུས་པའི
99b2 སྲས།། སེམས་ཅན་ཕྱི་རབས་གཞན་དོན་ཕྱིར།། ཕྲིན་ལས་དོན་ཞུས་ཡ་མཚན་ཆེ།། ཕྲིན་ལས་རིམ་པ་བསྟན་པ་ནི།། འཇིག་རྟེན་ཁམས་ནི་རབ་འབྱམས་ན།། རྨུག་པར་གྱུར་པའི་སེམས་ཅན་ལ།། སྣ་ཚོགས་ལས་ཀྱིས
99b3 ཞི་བར་སྦྱར།། བཀྲ་ཤིས་བདེ་བའི་གནས་དག་ཏུ།། བཀྲ་ཤིས་མཚན་ལྡན་ཡུམ་མཆོག་གཟུང་།། རྡོ་རྗེ་འདུས་པར་བསམ་བྱ་ཞིང་།། དཀར་ལ་ཟླུམ་པའི་དཀྱིལ་འཁོར་ལ།། རྡོ་རྗེ་འོད་ཟེར་འཕྲོ་བས་རྒྱལ།། རིན་ཆེན
99b4 ཁ་དོག་དཀར་པོའམ།། དཀར་པོའི་ཤིང་ལས་བྱས་པ་ཡི།། ཕུར་པ་ཟླུམ་པོ་དྲུག་བཏབ་སྟེ།། ཞི་བའི་ལྷ་ཚོགས་སྤྱན་དྲངས་ལ།། སྙིང་པོ་བྱམས་པས་མཆོད་སྦྱིན་བྱའོ།། ཡམ་ཤིང་དཀར་ལ་སྦར་བའི་མེ།། དཀར་ལ
99b5 མངར་བའི་རྫས་རྣམས་ཀྱིས།། ཞི་བའི་ཚུལ་དུ་སྦྱིན་བསྲེག་བྱ།། དངུལ་ཕྱེ་འབྲས་ཆེན་དཀར་པོ་ལ།། གཏོར་མ་བྱས་ཏེ་ཞི་བར་བྱ།། ས་ཡི་ཚོགས་ཀྱི་དཀྱིལ་འཁོར་དུ།། གཏི་མུག་ལས་ཀྱིས་འཆེལ་བ་རྣམས།། ཞི་བར་གྱུར
99b6 པའི་དབྱིངས་སུ་རོལ།། འདི་ནི་ཞི་བའི་ལས་སུ་བཤད།། འཇིག་རྟེན་ཁམས་ནི་རབ་འབྱམས་ན།། ཕོངས་གྱུར་པ་ཡི་སེམས་ཅན་ལ།། སྣ་ཚོགས་ལས་ཀྱིས་རྒྱས་པར་བྱ།། ཙནྡན་མེ་ཏོག་ནགས་ཚལ་དང་།། ཉམས་དགའ་སྐྱེད་མོའི
iiif viewer powered by OpenSeadragon
