| e-texts navigator |
| Wylie |
99a1 བཤད།། ཞེ་རྒྱས་དབང་དང་མངོན་སྤྱོད་དང་།། གནན་བཟློག་དྲུག་ཏུ་གཅིག་ཏུ་སྟེ།། ཕྲིན་ལས་བླ་མེད་གདང་ནི་དེ་ལྟར་བཤད།། བྱེ་མ་ཁྲོལ་བུ་གོང་བུ་གང་ལ་ཡང་།། རྟགས་དྲུག་མངོན་དུ་བྱང་བྲང་དུ།། གཟུང
99a2 ལས་འབྱུང་བ་བཞིན་བསྒྲུབས་ན།། བསྒྲུབ་པ་བླ་མེད་གདེང་ནི་འདི་ལྟར་བཤད།། བདུད་རྩི་ཆེན་པོའི་བུམ་པ་ཡིས།། ཕྱི་དང་ནང་དང་གསང་བའི་མཐར་ཟུག་དབང་།། འདོད་པ་དེ་ལ་རབ་སྦྱིན་པ།། དབང་མཆོག་བླ་མེད
99a3 གདེང་ནི་འདི་ལྟར་བཤད།། ཐུན་མོང་དང་ནི་ཐུན་མོང་མ་ཡིན་པ།། དོན་དམ་དང་ནི་ཀུན་རྫོབ་ཀྱི།། དངོས་གྲུབ་ཁྱད་པར་ཅན་ཡང་ཐོབ།། དངོས་གྲུབ་བླ་མེད་གདེང་ནི་དེ་ལྟར་བཤད།། བླ་ན་མེད་པའི་གདེང་བརྒྱད
99a4 ཀྱིས།། བདུད་རྩི་དམ་པ་མཆོག་བསྒྲུབ་ནས།། སངས་རྒྱས་མཆོད་ཅིང་རང་ཟོས་ན།། དངོས་གྲུབ་ཁྱད་པར་ཅན་ཡང་ཐོབ།། དམ་རྫས་སྨན་སྣ་རེ་རེ་ལ་ཡང་།། ཡོན་ཏན་བསམ་གྱིས་མི་ཁྱབ་ཅིང་།། བྱིན་རླབ་མཐུ་བྱིན
99a5 དེ་བཞིན་ནོ།། དེ་ཡི་ནུས་མཐུ་དཔག་ལས་འདས།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བདུད་རྩི་ཆེན་པོ་མཆོག་གི་བསྒྲུབ་པའི་ལེའུ་སྟེ་སུམ་ཅུ་བདུན་པའོ།། །། དེ་ནས་ཡང་རྡོ་རྗེ
99a6 འདུས་པའི་སྲས་མཆོག་ཀཱི་ལ་ཡས།། རྡོ་རྗེ་ཁྲོས་པའི་རྒྱལ་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ།། བདེ་གཤེགས་ཁྲོས་པའི་རྒྱལ་པོ་ཆེ།། ཞི་རྒྱས་དབང་དང་མངོན་སྤྱོད་དང་།། སྦྱོར་དང་སྐོང་དང་བཟློག་པ
iiif viewer powered by OpenSeadragon
