| e-texts navigator |
| Wylie |
98b1 དུས་ན་བརྒྱད་ཆ་བཞི།། ཀ་བ་འཁོར་ལོ་པདྨ་རིན་ཆེན་སྒོ་བཞིར་བཅས།། གོང་བུའི་དུས་ན་ཟླ་གམ་ཁ་སྤྲོད་སྒོ་བཞིར་བཅས།། གཟུགས་བརྙན་འགྲོ་བ་འདུལ་བའི་དཀྱིལ་འཁོར་རོ།། རིགས་ལྔ་དང་ནི་དགུ་བཅུ
98b2 གསུམ།། གསང་ཆེན་རིགས་གཅིག་བསྙེན་པ་ཡིས།། དེས་ནི་ཁྲོལ་བུ་སྦྱངས་པ་སྟེ།། ཡེ་ཤེས་ལྔའི་འཕྲོ་འདུའི་བསྙེན་པས་ཕྱེ་མ་སྦྱོང་།། དགུ་པའི་སྔགས་ཀྱི་གོང་བུ་ལའོ།། འཕྲོ་འདུ་འཇུ་འདུལ་དཀྱིལ་འཁོར་རོ།། བསྟན
98b3 པ་ལྔ་ལ་མཁའ་ལྔའི་དབྱིངས།། དུང་བྱེད་ལྔ་ལ་གསང་བའི་མཚན་བྲིས་ལ།། བཙག་པའི་ཚགས་སྣོད་ཡབ་ཡུམ་སྟེ།། སྲང་ནི་ཐབས་དང་ཤེས་རབ་པོ།། བཙགས་བཏགས་བདུད་རྩི་འཁྱིལ་པའི་དཀྱིལ་འཁོར་རོ།། ཟླ
98b4 གམ་སྒོ་ཤར་བསྟན་པ་ལ།། པདྨ་འདབ་མ་བརྒྱད་བྲིས་ལ།། རྟ་མགྲིན་དབང་གི་དཀྱིལ་འཁོར་རོ།། དཀྱིལ་འཁོར་བླ་མེད་གདེང་ནི་དེ་ལྟར་བཤད།། བདག་ཉིད་ངང་རང་རང་བཞིན་གྱིས།། ལྟ་བའི་ཕུལ་དུ་བདུད་རྩི
98b5 ལྟ་ལྟངས་ཡིན།། ལྟ་བའི་གདེང་ཆེན་ཉིད་ལ་ངེས་བཞག་ན།། ལྟ་བ་བླ་མེད་གདེང་ནི་དེ་ལྟར་བཤད།། དམ་རྫས་དག་ལ་བླང་དོར་མེད་པ་དང་།། གྷ་ན་དག་ལ་འཆིང་འགྲོལ་མེད་པ་དང་། ཏ་ན་དག་ལ་སྐྱེ་ཤི་མེད་སྤྱད
98b6 པ།། སྤྱོད་པ་བླ་མེད་གདེང་ནི་དེ་ལྟར་བཤད།། སྤྱི་ཡི་དམ་ཚིག་བརྟག་པར་བྱ་བ་དང་།། ཁྱད་པར་དམ་ཚིག་བསྲུང་བ་དང་།། ལྷག་པའི་དམ་ཚིག་གནས་པར་བྱ་བ་དང་།། དམ་ཚིག་བླ་མེད་གདེང་ནི་དེ་ལྟར
iiif viewer powered by OpenSeadragon
