| e-texts navigator |
| Wylie |
97b1 མེད་པའི་མཛད་སྤྱོད་ཀྱིས།། དྲག་པོ་ཉོན་མོངས་ལ་ཞེན་པའི།། ཟག་བཅས་ལོངས་སྤྱོད་རྣམ་ལྔ་པོ།། ཟག་མེད་བདུད་རྩིར་རོལ་པ་དང་།། ཐུགས་རྗེ་གསལ་གྱི་མཛད་སྤྱོད་ཀྱིས།། འབྲུ་དང་སྨན་རྣམས་ཐམས་ཅད
97b2 ཀུན།། རྩ་བ་ཡན་ལག་བཅས་པ་ཀུན།། སངས་རྒྱས་སེམས་ཅན་ཀུན་གྱི་གསོས་སུ་མཛད་པའི་ཆེ།། རྗེས་སུ་འཇུག་པས་ཇི་ལྟར་བགྱི།། རྡོ་རྗེ་བདུད་རྩི་མཆོག་ལ་བདག་ཉན་འཚལ།། ཞེས་གསོལ་ཏེ།། རྡོ་རྗེ་བདུད་རྩི
97b3 མཆོག་གིས་བཀའ་སྩལ་པ།། ཨེ་མ་ཧོ་རྡོ་རྗེ་འདུས་པའི་སྲས།། ཕྱི་རབས་རྣལ་འབྱོར་དོན་གྱི་ཕྱིར།། བདུད་རྩིའི་དོན་ཞུས་པ་ཡ་མཚན་ཆེའོ།། བདུད་རྩིའི་དོན་ཉིད་བཤད་བྱ་ན།། ཉོན་མོངས་པ་ཡི་བདུད
97b4 ཉིད་ལ།། ཐུགས་རྗེ་ཆེན་པོའི་རྩི་བཏང་ན།། ཁྱབ་པའི་ཐུགས་རྗེ་ཆེན་པོ་ཡིས།། དབྱིངས་སུ་འཁྱིལ་བའི་བདུད་རྩིའི་དོན་ཉིད་དེ་ལ་བྱའོ།། ཀུན་རྫོབ་རྟགས་སུ་བསྒྲུབ་བྱ་ན།། ཀུན་རྫོབ་ཀྱིས་ནི་བསྒྲུབ
97b5 པ་སྟེ།། སྲིད་གསུམ་བྷནྡ་བཟང་འཁོར་ཡུག། ཡེ་ནས་མ་བཅོས་རང་བཞིན་སྣོད།། དེ་ཡི་ནང་དུ་བླུགས་པའི་སྨན།། བཅུད་ཀྱི་རྩ་བ་ལོ་མ་རྣམས།། དབྱེར་མེད་དང་དུ་བསོག་པར་བྱ།། དེ་ལ་ངེས་པའི་བསམ་པ
97b6 ཡིས།། ངེས་པ་ཉིད་དུ་བསྒྲུབ་པར་བྱ།། མི་ཕྱེད་དགུ་དང་ལྡན་པ་ཡིས།། བླ་མ་རྡོ་རྗེ་སློབ་དཔོན་གྱིས།། ཐམས་ཅད་མ་ལུས་དོན་བྱ་ཕྱིར།། བདུད་རྩི་དམ་པ་བསྒྲུབ་པར་བྱ།། རིན་ཆེན་རི་དང་སྨན་ལྡོངས་དང་།། རྩི་སྨན་འཁྲུངས
iiif viewer powered by OpenSeadragon
