| e-texts navigator |
| Wylie |
97a1 ལ་སོགས་པ་དྲུག་ཏུ་བྱ།། དེ་ལྟར་ལས་རྣམས་ཅི་བྱེད་ཀྱང་།། ཙིཏྟ་རྩ་ལག་ཡབ་ཡུམ་དང་།། སྒོ་ལྔའི་རྣམ་ཤེས་ཡུལ་བཅས་པས།། སྲས་མཆོག་ཁྲོ་བོ་ཡབ་ཡུམ་མོ།། སྤྱི་གཙུག་གནས་བཞི་ཧཱུཾ་མཛད
97a2 འཁོར།། དཔྲལ་བའི་མཚོ་བཞི་རྣམ་རྒྱལ་འཁོར།། ལག་གཡས་ལྷ་བཞི་དབྱུང་སྔོན་འཁོར།། ཆགས་བྱེད་སྲིད་བཞི་གཤིན་རྗེ་འཁོར།། རྐང་གཡས་ལྦུ་བཞི་མི་གཡོ་འཁོར།། གསང་བའི་གནས་བཞི་རྟ་མགྲིན
97a3 འཁོར།། རྐང་གཡོན་ལྷ་གཞི་གཞན་གྱིས་མི་ཐུབ་འཁོར།། ཐུགས་ཀར་གནས་བཞི་བདུད་རྩི་འཁོར།། ལག་གཡོན་ལྷ་བཞི་ཁམས་གསུམ་བསྐོར།། སྣམ་ཁུང་གནས་བཞི་སྟོབས་ཆེན་འཁོར།། ཡན་ལག་སྡེ་བཞི་སྒོམ
97a4 བཞི།། དེ་ལས་སོགས་པའི་རྫས་རྣམས་ཀུན།། དམ་ལ་བཏགས་པའི་དམ་ཅན་སྐོང་།། ཡང་ན་རྩ་བའི་རིམ་པ་ལ།། ཡང་ན་ཉོན་མོངས་རིམ་པ་ལའོ།། དེ་ལྟར་ལས་ཀྱི་སྟངས་བྱས་ན།། ལུས་སེམས་བྲལ་བའི་གང
97a5 ཟག་དེ།། ཕྱིར་མི་ལྡོག་པའི་ས་ལ་གནས།། མངོན་སངས་རྒྱས་ལ་ཐེ་ཚོམ་མེད།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། རྣལ་འབྱོར་པ་སྒྲུབ་པ་པོ་དང་།། གང་ཟག་གང་ཡང་ཚེའི་དུས་བྱས
97a6 ནས། དགེ་བའི་ལས་ཀྱི་སྟངས་གདབ་པའི་ལེའུ་སྟེ་སུམ་ཅུ་རྩ་དྲུག་པའོ།། །། དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ།། ཨེ་མ་ཧོ།། བདེ་གཤེགས་རྡོ་རྗེ་བདུད་རྩི་མཆོག་གི་བདག། བླང་དོར
iiif viewer powered by OpenSeadragon
