| e-texts navigator |
| Wylie |
96a1 སྟེ།། ཡུམ་རྣམས་གསང་བའི་དབྱིངས་སུ་འཁྱིལ།། དེ་ལས་ཕྱོགས་བཅུར་རབ་འཕྲོས་པས།། དུས་གསུམ་བདེ་གཤེགས་ས་ཡབ་ཡུམ་རྣམས།། བསྐུལ་བའི་རང་བཞིན་ཐུགས་ཆུད་ནས།། གྷ་ན་ཆེན་པོའི
96a2 སྦྱོར་བ་མཛད།། སྦྱོར་བའི་འོད་ཟེར་ཚུར་འདུས་པས།། གསང་བའི་བྱང་ཆུབ་སེམས་དབང་བསྐུར།། དེ་ནས་ལྷ་རྣམས་ཚང་བའི་བསྟོད་བསྔགས་ཀྱི་དོན་བརྗོད་དེ།། མ་སྦར་བཟློག་སྟེ་བརྗོད་པས་ནི།། ལྷ་རྣམས་ཀུན
96a3 གྱིས་གསང་དབང་བསྐུར།། དེ་ནས་བསྡུ་བའི་ས་བོན་གྱིས།། གཙོ་བོ་ཉིད་ཀྱི་ཐུགས་ཀར་བསྡུས།། རྡོ་རྗེ་ལམ་དྲངས་པདྨོའི་དཀྱིལ།། དབྱིངས་ནས་ཡི་གེ་ཕྱག་རྒྱའི་སྐུར་གསལ་ཏེ།། དེ་ལ་ཕན་པའི་དབང་རྣམས
96a4 ཀྱིས།། བཅུ་དྲུག་ཟླ་བ་རྫོགས་པ་ལྟར།། སྐུ་ཡི་ཆ་རྐྱེན་རྫོགས་པར་བསྐང་།། དེ་ནི་སེམས་སྦྱང་རིམ་པར་བཤད།། དེ་ཡི་ལུས་ལ་དཀྱིལ་འཁོར་རྫོགས་པར་གསལ།། བརྟུལ་ཞུགས་ཕྱག་ཚང་གིང་ཆེན་གྱིས།། རོ་ནི
96a5 རབ་ཏུ་གཤིག་གྱུར་ན།། གང་ནས་ཤ་རུས་ཁྲག་བཅས་ཀུན།། དུམ་བུ་དུམ་བུར་གཏུབ་ནས་ནི།། དོན་རྟོགས་ལྷ་ཡི་ཚོགས་ལ་འབུལ།། དང་པོ་གཞུང་ལྡན་གནས་སུ་ནི།། གཟུགས་བརྙན་དམ་པ་མངོན་བཞེངས
96a6 ལ།། ལས་ཀྱི་རིམ་པ་རྫོགས་པ་དང་།། ཁྲོ་བོ་རོལ་པའི་སྟངས་སྟབས་དང་།། ཁྲོ་མོ་གསང་བའི་གར་ཚོགས་དང་།། ཕྲ་མེན་མགོ་བརྙན་འཛིན་ཚུལ་གྱིས།། རོ་དེ་ཉིད་ནི་བླང་བར་བྱ།། ཆུ་མཆོག་དག་གིས་བཀྲུས་ནས
iiif viewer powered by OpenSeadragon
