| e-texts navigator |
| Wylie |
94b1 ཕྱིར།། ཡུལ་དེའི་སེམས་ནི་ཧཱུཾ་དུ་སྣང་།། འོད་དང་འོད་ཟེར་ཕུར་བུ་ལས།། བདག་ལ་འདུས་པས་ཚེ་རུ་ཐིམ།། དེ་གཉིས་མེད་ཀྱིས་བསྒྲལ་ཕྱིར་རོ།། བདག་གི་རྣམ་ཤེས་ཚོགས་བརྒྱད་ནས།། གང་ཞིག་གནས་པའི
94b2 མཆོག་རྣམས་ལ།། རྡོ་རྗེ་ཕུར་བུ་མང་ཤར་ནས།། དེ་ཡི་ཚོགས་བརྒྱད་དག་པར་བྱའོ།། ཁམས་གསུམ་ཆོས་ཉིད་གདར་བཅད་ཕྱིར།། ཁྲོ་མོ་འབར་བའི་གཏུན་ཁུང་དུ།། ཁྲོ་ཚོགས་འབར་བའི་ཐོ་ཚོགས་ཀྱིས།། རྡོ་རྗེ་ཐོ
94b3 བས་བརྡུང་བྱས་ནས།། ཁམས་གསུམ་མ་ལུས་བསྒྲལ་བར་འགྱུར།། རྟོག་འཛིན་མེད་པའི་དབང་ཕྱུག་དེས།། མཉམ་པའི་རྒྱལ་པོས་སྤགས་པར་བསྒྲལ།། ཤིན་ཏུ་གསོལ་པས་དགྱེས་བསྟར་ནས།། ཟ་བྱེད་ཀུན་ལ
94b4 བསྟབ་པར་མཛོད།། ཧ་ཧ་བགྱིས་པས་དགྱེས་པར་རོལ།། ཧཱུཾ་ཧཱུཾ་བགྱིས་པས་དབང་དུ་སྡུད།། ཁ་ཁ་བགྱིས་པས་ལྷག་མ་བཞིས།། བདག་དང་གསུམ་དུ་ལྡན་ནས་ཀྱང་།། བྱང་ཆུབ་སེམས་ཀྱི་དབང་སྤྲོས་པས།། ཕུང་པོ
94b5 རྡུལ་དུ་རློགས་ནས་ཀྱང་།། ཤ་ཁྲག་ཁམས་གསུམ་དག་པར་དམིགས།། ཧཱུཾ་གིས་རབ་ཏུ་ནམ་མཁའ་གང་།། ཕཊ་ཀྱིས་ཀུན་ཏུ་གཏོར་བྱས་ནས།། རྡོ་རྗེ་ཡེ་ཤེས་ཚོན་གང་གིས།། ཁམས་གསུམ་བྱང་ཆུབ་སེམས་བསྐྱེད
94b6 དང་།། འགྲོ་བ་མ་ལུས་དོན་བྱའི་ཕྱིར།། སྲིད་པའི་གདར་ཤ་བཅད་ནས་ཀྱང་།། སྤྱོད་པ་རྣམ་པ་བཅུ་དང་ལྡན།། ལྗང་གུ་ལས་ཀྱི་ས་བོན་ཏེ།། དམར་པོ་སྲོག་གི་ས་བོན་ཡིན།། མཐིང་ག་ཧེ་རུ་ཀ་ཡི་ཐུགས།། སྤྲོས
iiif viewer powered by OpenSeadragon
