| e-texts navigator |
| Wylie |
92b1 ཉིད་མྱ་ངན་ཟློས།། ཐམས་ཅད་འབྱུང་རྒྱུ་སེམས་ཡིན་པས།། སེམས་ལས་རང་བྱུང་ཆོས་མེད་དོ།། སེམས་ཉིད་གྲོལ་བར་བྱ་བའི་ཕྱིར།། ཆོས་ཀྱི་བྱེ་བྲག་རྣམ་གྲངས་བསྟན་པར་ཟད།། གཉིས་མེད་སེམས་ཀྱི་རང
92b2 བཞིན་ནོ།། རྒྱུ་འབྲས་གཉིས་ལས་མྱ་ངན་འདས།། འཛིན་རྟོག་མེད་པའི་ཕུར་པ་ལ།། དབྱིབས་དང་ཁ་དོག་མི་གནས་ན།། གཟུགས་དང་ཁ་དོག་སོ་སོར་གྲགས།། ལོག་རྟོག་ཕྱིན་ཅི་ལོག་བཞིར་བཅིངས།། གཉིས
92b3 མེད་དོན་དུ་བྱང་ཆུབ་སེམས།། འཕོ་འགྱུར་མེད་པ་ཕུར་པའི་དོན།། མི་དམིགས་ནམ་མཁའི་ཀློང་དུ་བསྒྲུབ།། མ་ནོར་མ་བཅོས་དབྱིངས་ཉིད་ནི།། དེ་ནི་རང་བཞིན་ལྷུན་གྲུབ་གནས།། དེ་ལ་སེམས་ཀྱི་འབྲས་བུ
92b4 ནི།། རྒྱུ་མཆོག་འབྲས་བུ་ཡི་གེ་ཧཱུཾ།། གཉིས་མེད་མཚོན་པའི་ལམ་བཟང་པོ།། སྲིད་གསུམ་དབང་དུ་བསྡུས་ནས་ནི།། ཁམས་གསུམ་ཀུན་ལས་འདས་པར་བསམ།། དེ་ནི་བདག་གི་བྱང་ཆུབ་སེམས།། སྲིད་པ་གསུམ
92b5 ལ་དབང་བསྐུར་ཞིང་།། བཅོམ་ལྡན་འདས་དང་སྐལ་བ་གཅིག། བྱང་ཆུབ་སེམས་ནི་མངོན་སུམ་བསྟན།། ཐོག་མར་གཞལ་ཡས་བྱང་ཆུབ་སེམས།། དེ་ནི་རྒྱུ་འབྲས་མ་བཀག་ཆོས།། བསྒྲུབ་པའི་ཡེ་ཤེས་ཚོན་གང
92b6 བའོ།། གསང་བའི་སྔགས་ཀྱིས་བསྐྱེད་ནས་ནི།། སྐུ་དང་ལྡན་པར་རབ་བརྒྱན་ཅིང་།། ཁམས་གསུམ་ཁྲོ་བོས་གང་བར་མཛད།། གཉིས་ལྡན་སྐུ་གསུང་ཐུགས་སུ་ལྡན།། སྐུ་ཡི་ཚོགས་ནི་རབ་བརྒྱན་ཏེ།། ཐུགས་ལ
iiif viewer powered by OpenSeadragon
