| e-texts navigator |
| Wylie |
91a1 བསྒྲུབ་པའི་ལེའུ་སྟེ་སུམ་ཅུ་རྩ་བཞི་པའོ།། །། དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ།། ཨེ་མཧོ་རྡོ་རྗེ་གསང་བའི་བདག། སེམས་ཅན་ཀུན་གྱི་སེམས་ཅན་པོ།། སངས་རྒྱས་ཀུན
91a2 གྱི་ཐུགས་ཀྱི་མཆོག། བྱང་ཆུབ་སེམས་ལ་ཕྱག་འཚལ་འདུད།། བདེ་གཤེགས་རོལ་པའི་མཛད་སྤྱོད་ཀྱིས།། དྲང་བའི་དོན་དུ་ཀུན་རྫོབ་དོན་བསྟན་ནས།། ངེས་པའི་དོན་དུ་བྱང་ཆུབ་སེམས་རྟོགས་བཞིན།། ཕྱི་རབས
91a3 དོན་དུ་བསྟན་དུ་གསོལ།། ཨ་ལ་ལ་ཧོ་ཞེས་བྱ་བས་ནི།། གསོལ་བའི་དོན་བཅོམ་ལྡན་འདས་ཀྱི་ཐུགས་ཆུད་དོ། ཆོས་ཉིད་བྱང་ཆུབ་སེམས་ཀྱི་དེ་ཁོ་ན་ཉིད་ལ་ཅུང་ཞིག་མཉམ་པར་བཞག་སྟེ། ཉོན་ཅིག་རྡོ་རྗེ་འདུས
91a4 པའི་གཙོ།། དོན་དམ་བྱང་ཆུབ་སེམས་ཀྱི་དོན་ཞུས་པ་ཡ་མཚན་ཆེའོ།། བྱང་ཆུབ་སེམས་ཞེས་བྱ་བ་ནི།། ཐམས་ཅད་ཀུན་གྱི་རྒྱུ་འབྲས་ཏེ།། རྒྱུ་ལས་འབྲས་བུ་བཙལ་བའི་ཕྱིར།། ཀུན་རྫོབ་དོན་བསྟན་མིང་གྲིབ
91a5 ཅིང་།། འབྲས་བུ་དོན་དང་ལྡན་པ་སྟེ།། ཀུན་རྫོབ་ཀུན་ལ་མི་གནས་པས།། འབྲས་བུ་དོན་དམ་བྱང་ཆུབ་སེམས་ཉིད་སྦྱང་བར་བྱའོ།། ངེས་དོན་གཟོད་ནས་མ་སྐྱེས་རང་བཞིན་ནི།། རྣམ་པར་དག་པའི་ཡུམ་གྱི
91a6 ཚུལ།། མ་སྐྱེས་མི་འགག་ཐབས་ཀྱི་སྐུ།། རིག་པའི་རྒྱལ་པོ་རང་བྱུང་བས།། ཐམས་ཅད་མ་ལུས་དབང་དུ་སྡུད།། ཐབས་ཀྱི་རྒྱལ་པོ་བདག་གནས་པར།། འགྲོ་ཀུན་བླ་མེད་གནས་སུ་བསྒྲལ།། ཆོས་ཀུན་རྩ་བ་སེམས
iiif viewer powered by OpenSeadragon
