| e-texts navigator |
| Wylie |
90b1 པས།། འཁོར་བའི་དྲ་བ་བཀྲལ་ནས་ནི།། ཡབ་ཡུམ་གཉིས་མེད་མཁའ་ལ་བསྒྲལ།། སྒྲུབ་པ་པོ་ཡི་ལས་སུ་ནི།། བརྟུལ་ཞུགས་བསྐྱེད་དེ་སྦྱོར་སྒྲོལ་བརྩམ།། དེ་དག་སྔགས་ཀྱི་དམ་ཚིག་སྟེ།། མིང་གིས་མི་བྱ་མི་རུང
90b2 ངོ་།། གལ་ཏེ་བྱས་ན་ལྟུང་བར་འགྱུར།། མ་བྱས་ན་ཡང་ལྟུང་བར་འགྱུར།། རབ་བརྟགས་བསྒོམ་སྟེ་བྱ་བར་གསུངས།། རབ་བསྐྱེད་སྤྱན་དྲངས་མཆོད་བྱས་ནས།། བསྙེན་པ་གཞུང་བཞིན་བརྩོན་པར་བྱའོ།། འབུམ
90b3 མམ་སུམ་འབུམ་བཟླས་ནས་ནི།། མ་བཏབ་བཞིན་དུ་ལས་རྣམས་འགྲུབ།། བསྒྲུབ་པའི་བར་ཆད་བྱེད་པ་དག། ཉིན་མཚན་གུང་ལ་རབ་བཀུག་སྟེ།། གཟུགས་ལ་ཕབ་སྟེ་བཅིངས་ལ་བཞག། ཏིང་འཛིན་བསར་ཏེ
90b4 རབ་ཏུ་གདབ།། མགོ་དང་ཙིཏྟ་ལྟེ་བ་ལ།། གསང་གནས་ཡན་ལག་བཞི་ལ་གདབ།། བདེན་པ་བདར་ཞིང་ཡང་ནས་ཡང་།། གྲུ་གསུམ་ཨེ་ཡི་དཀྱིལ་འཁོར་དུ།། བཅུ་གཉིས་སམ་ནི་རྩ་གཅིག་གིས།། སྐེད་ནས་བསྐོར
90b5 ལ་གནད་དུ་བརྡེག། གནན་ཅིང་གཟིར་བའམ་དེ་བཞིན་ཏེ།། དེ་ནས་ཚེ་ཡི་དངོས་གྲུབ་དག། ངེས་པ་ཉིད་དུ་བླང་བར་བྱ།། བདེ་གཤེགས་མཚན་བརྗོད་བཀྲ་ཤིས་གསོལ།། རོལ་མོ་ཡིད་འོང་མཉེས་མཆོད
90b6 འབུལ།། གཏོར་མ་ཚོགས་གསུམ་གནས་སུ་དགྱེ།། བསྡུ་དང་བསྲུང་བ་དེ་བཞིན་ཏེ།། རིགས་མ་བསྒྲུབ་པར་བསྐྱེད་པར་བྱ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། གཟི་བྱིན་ཚེ་གསང་བར
iiif viewer powered by OpenSeadragon
