| e-texts navigator |
| Wylie |
87b1 ཡོན་ཏན་བསམ་མི་ཁྱབ།། ཉམས་པར་འགྱུར་བས་མི་འགྲུབ་སྟེ།། དངོས་སུ་ཉམས་ན་ལྗོན་ཤིང་མེས་ཚིག་འདྲ།། ཟུར་གྱིས་ཉམས་ན་ས་བོན་མེས་ཉམས་འདྲ།། ཀུན་ཏུ་ཉམས་ན་བརྗོད་པའི་མཐའ་ལས་འདས།། དེ
87b2 ཡིས་བསྒྲུབས་ཀྱང་མི་འགྲུབ་སྟེ།། སླར་ལ་རང་སེམས་རླག་པ་དང་།། འབྲས་བུ་འབྱུང་བར་མི་འགྱུར་ཏེ།། ཚེ་དང་སྲོག་གི་བར་ཆད་འོང་བ་དང་།། འཇིག་རྟེན་སྒྲོ་དང་སྐུར་བའི་གཞི།། དམ་ལ་གནས་པའི་རྣལ་འབྱོར
87b3 དང་།། དམ་ཚིག་ཉམས་པའི་རྣལ་འབྱོར་གཉིས།། སྐད་ཅིག་ཙམ་ཡང་སྒྲ་མི་བྱ།། སྨྲས་ན་དམ་བཅའ་འབྲས་བུ་བརླག། དམ་ཚིག་ཉམས་པའི་རྣལ་འབྱོར་དེ།། དམ་ལ་གནས་པའི་རྣལ་འབྱོར་པས།། དང་དུ་བླངས་ཏེ
87b4 བསྒྲལ་བར་བྱ།། བསྒྲལ་བ་ཞི་བའི་མཆོག་ཡིན་ནོ། ཞེས་རྡོ་རྗེ་གསང་བའི་བདག་པོས། དམ་ཚིག་གསང་བའི་བཀོད་པ་མདོར་གསུངས་ཤིང་བསྟན་ཏོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དམ་ཚིག་རིམ་པར་ཕྱེ
87b5 བའི་ལེའུ་སྟེ་སུམ་ཅུ་རྩ་གསུམ་པའོ།། །། དེ་ནས་ཡང་ཉིད་ལས་མི་གཞན་པའི་རྡོ་རྗེ་འདུས་པའི་སྲས་མཆོག་དམ་པ་དེས། ཧེ་རུ་ཀ་དཔལ་ལ་ཡང་གསོལ་བ་ནི།། གདུག་བྱེད་རཱ་ཏྲ་ལ་སོགས་པའི།། ཚེ་དང་གཟི
87b6 བྱིན་ཀུན་ཕྲོགས་ཏེ།། ཁྲོས་པའི་ལྷ་ཚོགས་ཚེ་དང་གཟི་བྱིན་རྒྱས་མཛད་པའི།། རོལ་པའི་མཛད་སྤྱོད་ཨེ་མ་ངོ་མཚར་ཆེའོ།། དེ་ཡི་རྗེས་སྤྱོད་རྣལ་འབྱོར་པས།། ཁྲོ་བོའི། ཚ། འགྲོ་བའི་ཚེ་ཉམས་ཚེ་ལྡོག་ཚེ་འཐོར
iiif viewer powered by OpenSeadragon
