| e-texts navigator |
| Wylie |
87a1 པའི་སྙིང་རྗེ་ལྟ་བ་ཀུན་ཁྱབ་པའོ།། གལ་མདོ་ངེས་པའི་མདོ་གསུམ་མོ།། མ་ཁྲེལ་བ་ཡི་ཚུལ་དང་ནི།། མ་ཉམས་པ་ཡི་མདོ་དག་དང་།། མཐར་ཕྱིན་པ་ཡི་རྟགས་ཉིད་དོ།། མ་ཁྲེལ་བ་ཡི་ཚུལ་ལ
87a2 གཉིས།། བདེ་གཤེགས་ཐུགས་ཀྱིས་མ་བས་དང་།། གང་ཟག་ཡིད་ཀྱིས་མ་དཔྱད་པའོ།། ཉམས་པའི་དོན་ལ་བཞིར་གནས་ཏེ།། ཟླ་བོས་ཉམས་དང་ཞོར་ལ་ཉམས།། དབང་མེད་ཉམས་དང་ཀུན་ཏུ་ཉམས
87a3 པའོ།། མཐར་ཕྱིན་རྟགས་ཀྱིས་དེ་བཞིན་བཞིར་སྣང་སྟེ།། དམ་ཅན་འདུ་ཞིང་མཐུ་རྩལ་ཆེ་བ་དང་།། བྱིན་རླབ་ཆེ་ཞིང་རིག་པ་ཆགས་པ་གཉིས།། ཡིད་འོང་འབྱུང་ཞིང་འདོད་པ་གྲུབ་པ་དང་།། མང་པོས་བཀུར་ཞིང
87a4 གྲགས་པ་ཐོབ་པ་བཞིའོ།། དམ་ལ་གནས་པའི་རྣལ་འབྱོར་པས།། ལྷག་པའི་དམ་ཚིག་དོན་ལ་གནས་པར་བྱའོ།། སྤྱི་དང་ཁྱད་པར་ལྷག་པའི་དམ་ཚིག་རྣམས།། རྟོག་ཤིང་བསྲུངས་ཏེ་གནས་པར་བྱས་གྱུར་ན།། ས
87a5 གཞི་ཆེན་པོ་འདྲ་སྟེ་ཀུན་ཀྱང་བསྐྱེད།། ནམ་མཁའ་དངས་པ་འདྲ་སྟེ་གོ་ཡང་འབྱེད།། སྲེག་པ་མེད་དང་འདྲ་སྟེ་བག་ཆགས་སྲེག། རླན་པ་ཆུ་དང་འདྲ་སྟེ་དག་པར་བྱེད།། གཡོ་བ་རླུང་དང་འདྲ་སྟེ་འཐོར་པར
87a6 བྱེད།། ཡིད་བཞིན་ནོར་བུ་འདྲ་སྟེ་རེ་བ་སྐོང་།། གཅན་གཟན་སེང་གེ་གཞིན་ཏེ་ཟིལ་གྱིས་གནོན།། གཞུང་དུ་བསྲུངས་ན་རང་སྣང་འབྲས་བུར་འཆར།། རྒྱུན་ཏུ་བསྲིངས་ན་སངས་རྒྱས་ས་ལ་སྤྱོད།། དེ་ལ་སོགས་ཏེ
iiif viewer powered by OpenSeadragon
