| e-texts navigator |
| Wylie |
86b1 སྒྲོན་མ་དག། གསད་ཅིང་བསྒྲུབ་པར་མི་བྱའོ།། རྡོ་རྗེ་ཆུ་བོའི་འོལ་ཁ་དག། བཅད་ཅིང་བསྒྱུར་བར་བྱ་བ་མིན།། རྒྱལ་པོ་རྟགས་ཀྱི་ཕྱག་རྒྱ་དག། གཞན་ལ་སྦྱིན་བྱའི་རིགས་མ་ཡིན།། རྡོ་རྗེ་མཁར་རྫོང་གཏམ་པ
86b2 དག། རྨང་ནས་བཟློག་སྟེ་མི་བཤིག་གོ།། རྒྱལ་མཚན་རྩེ་ལ་བཏགས་པའི་ནོར་བུ་དག། འདོད་པའི་སེམས་ཀྱིས་དབོག་པར་མི་བྱའོ།། ཁྱད་པར་བསྟན་པའི་དམ་ཚིག་དོན་མང་ཡང་།། མདོར་བསྡུས་པ་ནི་ཉི་ཤུའི་དོན
86b3 དང་བསྟུན།། ས་ལ་གནས་ཤིང་སྤྱོད་པའི་རྣལ་འབྱོར་པས།། བདག་གཞན་གཉིས་ཀྱི་དོན་དུ་བསྲུང་བར་བྱའོ།། ལྷག་པའི་དམ་ཚིག་གནས་པར་བྱ་བ་ནི།། མདོར་ན་རྩ་བ་བཞིར་བསྟན་ཏེ།། སྤྱོད་པ་རྒྱུན་དང་རང
86b4 བཞིན་ལྟ་བ་དང་།། ལྟ་བའི་ཉམས་དྲོད་གལ་མདོ་ངེས་པ་བཞི།། ཡན་ལག་དོན་ཉིད་བཤད་པ་ནི།། སྤྱོད་པ་རྒྱུན་ལ་དམ་ཚིག་བཞིར་གནས་ཏེ། གཉིད་ཀྱི་དགྲ་སྤང་མྱོས་འགྱུར་དགྲ་བགེགས་གཞོམ།། གསང་བའི
86b5 བརྡ་བསྲུང་ལེ་ལོའི་བདུད་གཞོམ་མོ།། རང་གཞན་བལྟ་བའི་དམ་ཚིག་བཞིར་བསྟན་ཏེ།། སྲིད་གསུམ་ཡོངས་སུ་བསྒྲལ་བ་དང་།། ཁམས་གསུམ་ཞིང་དུ་བསྒྲལ་བའི་ངང་།། དུས་གསུམ་མི་རུ་བསྒྱུར་བ་དང་།། འཁོར
86b6 བ་གནས་སུ་དག་པར་བལྟའོ།། ལྟ་བའི་ཉམས་དྲོད་དམ་ཚིག་གཞིར་གནས་ཏེ།། གདལ་བ་ཆོས་ཉིད་ལྟ་བ་ཡེ་འབྱམས་སུ།། རིག་པའི་ཡེ་ཤེས་ལྟ་བ་ཡེ་གསལ་དུ།། སྤྲུལ་པའི་ཕྱག་བརྙན་ལྟ་བ་ཡེ་གནས་སུ།། ཁྱབ
iiif viewer powered by OpenSeadragon
