| e-texts navigator |
| Wylie |
86a1 པས།། སྤྱི་ཡི་དམ་ཚིག་དོན་མང་ཡང་།། དོན་དང་བསྟུན་པའི་ཉི་ཤུ་རྩ་བརྒྱད་པོ།། དྲང་དང་ངེས་པའི་དོན་དུ་རྟོགས་པར་བྱ།། ཁྱད་པར་དམ་ཚིག་བསྲུང་བ་ནི།། གཅན་གཟན་རྒྱལ་པོ་སེང་གེ
86a2 དག། གསད་པར་བྱ་བའི་འོས་མ་ཡིན།། ཟ་མ་ཏོག་གི་རིན་ཆེན་དག། དུག་རྣམས་སྤྱོ་བ་མ་ཡིན་ནོ།། རིན་པོ་ཆེ་ཡི་ལྕུག་མ་དང་།། རྩད་ནས་གཅད་པར་བྱ་བ་མིན།། གངས་ཀྱི་ཞུན་ཆུ་ཁོལ་མ་དག། ཁོང་དུ་བཏུང
86a3 བར་མི་རིགས་སོ།། པདྨ་རྒྱས་པའི་ཟེའུ་འབྲུ་དག། ཁ་དབྱེ་སྤྲད་པར་མི་བྱའོ།། བུག་རྡོལ་ཅན་གྱི་སྣོད་དག་ཏུ།། གསང་བའི་བཅུད་རྣམས་བླུགས་པ་མིན།། མ་བརྟགས་པ་ཡི་ཟས་དང་ནོར།། མི་བསྲེལ་བཅད་པར་མི
86a4 བྱའོ།། ཤེལ་གོང་བཞིན་དུ་གསལ་ཞིང་དག་པ་དག། འདམ་དུ་བསྒྲུབ་པར་མི་བྱའོ།། སེང་གེ་དཀར་མོའི་འོ་མ་དག། རིན་ཆེན་གསེར་གྱི་སྣོད་དུ་བླུགས་པ་ལས།། དུག་ཅན་དག་ཏུ་ག་ལ་བླུགས།། དགོས་འདོད
86a5 བསྐང་བའི་ཡིད་བཞིན་ནོར་བུ་དག། ཐབ་ཏུ་བསྲེག་པར་ཡང་མི་བྱ།། བྱ་རྒྱལ་ཁྱུང་གི་གཤོག་པ་དག། བཅག་པར་བྱ་བ་མ་ཡིན་ནོ།། གནམ་ལྕགས་ངུར་མོའི་མཚོན་ཆ་དག། ས་ལ་བརྡབ་པར་མི་བྱའོ།། སྟག་གཟིག
86a6 སྒྲོལ་བའི་ལས་བྱས་པའི།། ལས་ཀྱི་མཐའ་མ་མི་རྟུལ་ལོ།། རྡོ་རྗེ་བྲག་ཆེན་གཏམས་པ་དག། བཤིག་ཅིང་འདྲལ་བར་མི་བྱའོ།། རྡོ་རྗེ་ར་བས་བསྐོར་བ་དག། གོམ་མཚམས་བཤིག་པར་མི་བྱའོ།། མུན་པ་སེལ་བའི
iiif viewer powered by OpenSeadragon
