| e-texts navigator |
| Wylie |
85a1 བཤད།། དེ་ལྟར་དྲག་པོའི་དབང་རྫོགས་ནས།། གནོན་བྱེད་མ་ལུས་རང་བཞིན་དུ།། ཞེ་སྡང་གཏིང་ནས་མ་གཡོས་ཀྱང་།། རང་ངམ་ཤུགས་ཀྱིས་སྒྲོལ་འགྱུར་ན།། དམིགས་པ་བཅས་ན་སྨོས་ཅི
85a2 དགོས།། དེ་ལྟར་དབང་མཆོག་མ་ཐོབ་པར།། བསྒྲལ་བ་ཉིད་ལས་བཙོན་བྱས་ཀྱང་།། རང་ཉིད་ཚེ་ཡི་བར་ཆད་ནས།། འཁོར་བའི་གཡང་ས་ཆེན་པོ་ལྷུང་།། དེ་བས་ནན་ཏན་བསྐྱེད་པར་བྱའོ།། ཞེས་གསུངས་སོ།། རྡོ
85a3 རྗེ་ཕུར་པ་གསང་བའི་རྒྱུད་ཆེན་པོ་ལས། ཁྲོ་བོ་ཕྲིན་ལས་ཀྱི་དབང་བསྐུར་བའི་ལེའུ་སྟེ་སུམ་ཅུ་རྩ་གཉིས་པའོ།། །། དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ།། ཀྱེ་མ་ཧོ་རྡོ་རྗེ་གསང་བའི
85a4 བདག། བདེ་གཤེགས་རོལ་པའི་རྗེས་འཇུག་པའི།། རྡོ་རྗེའི་དབང་རྫོགས་རྣལ་འབྱོར་པས།། རྗེས་སུ་འཇུག་དང་དམ་ཚིག་རྟོགས།། བསྲུང་བའི་དམ་ཚིག་རྣམ་པ་གང་།། ཕྱི་རབས་དོན་དུ་བསྟན་དུ་གསོལ།། རྡོ་རྗེ
85a5 གསང་བས་བཀའ་སྩལ་པ།། ཉོན་ཅིག་རྡོ་རྗེ་འདུས་པའི་གཙོ།། དམ་ཚིག་དམ་ཚིག་ཅེས་བྱ་བ།། རྟོགས་པའི་དོན་ཉིད་ཡིན་པ་སྟེ། དེ་ལས་འདས་ན་ཚིག་པར་འགྱུར།། རྟོགས་པའི་དོན་རྟོགས་བདེ་གཤེགས་ཀྱི།། ཞལ
85a6 ནས་གསུངས་པའི་གདམས་ངག་སྟེ།། དེ་ཡི་དོན་ལ་འདས་ན་ཚིག་པར་འགྱུར།། གདམས་ངག་རིམ་པར་བསྟན་པ་ནི།། རྟོགས་པར་བྱ་བ་སྤྱི་ཡི་དམ་ཚིག་ཡིན།། བསྲུང་བར་བྱ་བ་ཁྱད་པར་དམ་ཚིག་སྟེ།། གནས་པར་བྱ།
iiif viewer powered by OpenSeadragon
