| e-texts navigator |
| Wylie |
78b1 འབྱོར་དང་།། ཡོ་བྱད་ལ་སོགས་བཅད་ལ་བྱ།། དེ་ནས་རྣལ་འབྱོར་བློ་ལྡན་གྱིས།། ཕྱི་ནང་རྒྱུ་འགྲུལ་དམ་དུ་བསྡམས།། ཆག་ཉམས་དམ་བཤགས་བྱིན་དབབ་སྟེ།། རྟགས་གདབ་མཆོད་རྫས་བྱིན་གྱིས་བརླབ།། དམ
78b2 བཅས་རྣལ་འབྱོར་ཚུལ་ཕྱག་ནི།། རྒྱལ་བའི་མཛད་སྤྱོད་གཞུང་ལ་བསྙེག། ཐུགས་དམ་བཞིན་དུ་སྙན་གསན་གསོལ།། རང་བཞིན་གནས་ནས་སྤྱན་དྲངས་ཏེ། ཏིང་འཛིན་བསྐྱེད་དེ་ཉིད་ལ་བསྟིམ།། སྐུ་གསུང་ཐུགས
78b3 ཀྱི་གཟི་བྱིན་བསྐྱེད།། སེམས་ཅན་དོན་དུ་བརྟན་པར་བྱ།། ཁམས་གསུམ་ཀུན་གྱི་གདུག་པ་དང་།། འཁོར་གྱི་མ་ཚོགས་ཟིལ་གྱིས་གནོན།། ཡེ་ཤེས་ལྷ་ལ་དབང་མི་བཟའ་ཕྱིར་ཕྱག་ཀྱང་བཙལ།། འགྲོ་བའི་དོན་དུ
78b4 དམ་བཅས་ཏེ།། ཀུན་ཏུ་བཟང་པོ་ལྔས་མཆོད་ནས།། བདུད་རྩི་རཀྟ་གཏོར་མ་གུས་དབུལ་བསྟོད།། དོན་གསོལ་རོལ་མོ་ཡིད་འོང་སྒྲོགས།། འབྱོར་པ་ཚོགས་མཆོད་དུས་དྲུག་རྒྱུན་མི་གཅད།། མ་ནོར་མ་བཅོས
78b5 དབྱིངས་ཉིད་དང་།། རང་བཞིན་ལྷུན་གྱིས་གྲུབ་པའི་གནས།། མི་དམིགས་ནམ་མཁའི་ཀློང་དུ་བསྒྲུབ།། བདེ་ཆེན་བྱང་ཆུབ་བརྟན་པར་བཟུང་།། གཉིས་མེད་མཚོན་པའི་ལམ་བཟང་པོ།། སྲིད་པ་དབང་དུ་བསྡུས་ནས
78b6 ནི།། ཁམས་གསུམ་ཀུན་ལས་འདས་པ་སྟེ།། འདི་ནི་བདག་གི་བྱང་ཆུབ་སེམས།། རྒྱུ་མཆོག་འབྲས་བུ་ཡི་གེ་ཧཱུཾ།། སྲིད་པ་གསུམ་ལ་དབང་བསྒྱུར་ཅིང་།། བཅོམ་ལྡན་འདས་དང་སྐལ་པ་མཉམ།། བྱང་ཆུབ་སེམས་ནི
iiif viewer powered by OpenSeadragon
