| e-texts navigator |
| Wylie |
78a1 ལའོ།། གཏོགས་འདོད་གཞོན་ནུ་བརྒྱ་བྱིན་གསུམ།། ཤར་སྨད་ལྕགས་རི་དག་ལའོ།། རྡོ་རྗེ་བདུད་རྩི་ཟླ་བ་གསུམ།། ལྷོ་སྟོད་ལྕགས་རི་དག་ལའོ།། བེ་ཅོན་སྲིན་མོ་ཟླ་བ་གསུམ།། ལྷོ་སྨད་ལྕགས་རི
78a2 དག་ལའོ།། དགའ་བ་སྟོབས་ཆེན་རྡོ་རྗེ་གསུམ།། ནུབ་སྟོད་ལྕགས་རི་དག་ལའོ།། འདོད་པ་ནོར་སྲུང་རླུང་ལྷ་གསུམ།། ནུབ་སྨད་ལྕགས་རི་དག་ལའོ།། གསོད་བྱེད་ཆེན་མོ་ཕག་མོ་གསུམ།། བྱང་སྟོད་ལྕགས་རི་དག
78a3 ལའོ།། རྒན་བྱེད་སྣ་ཆེན་ཆུ་ལྷ་གསུམ།། བྱང་སྨད་ལྕགས་རི་དག་ལའོ།། རྡོ་རྗེ་ནག་པོ་རྡོ་རྗེ་སྡེར།། རྡོ་རྗེ་དམར་མོ་ལྗང་ནག་བཞི།། ཕྱི་ཡི་སྒོ་བཞི་དག་ལའོ།། དེ་ཡི་ལྕགས་རི་ནག་པོ་ལའོ།། མཁའ་འགྲོ་གིང་དང་ཕོ
78a4 ཉ་སྲིང་མོ་རྣམས།། རང་བཞིན་དོན་གྱིས་གནས་པར་བྱའོ།། ཡང་ན་སྙིང་པོ་ལྔ་བཅུ་ཉིད།། ཐོད་བུ་དག་ལ་བྲིས་ཏེ་དགོད།། ཡང་ན་ཕྱག་མཚན་ལྔ་བཅུ་ཉིད།། སོ་སོའི་གནས་སུ་དེ་བཞིན་ནོ།། དུར་ཁྲོད་ཐོད་པའི་ནང
78a5 ཉིད་དུ།། རས་ཆེན་སྡོང་བུ་གསུམ་སྒྲིལ་དུ།། སྣང་བའི་འོད་ཅན་ཉིད་དུ་དགོད།། ཡང་ན་ཡབ་ཡུམ་བྱང་སེམས་ཀྱིས།། གསང་བའི་ཐིག་ལེ་ལྔ་བཅུ་བྱ།། རྡོ་རྗེ་ཤ་ཆེན་ཐང་མར་བདལ།། དམར་གྱི་རཀྟ་རྒྱ་མཚོར
78a6 བསྐྱིལ།། རུས་པའི་ཕུང་པོ་རི་ལྟར་སྤུངས།། ཞིང་ཆེན་གཡང་གཞི་སྤྲིན་ལྟར་གཏིབས།། སྤྲིན་ཆེན་ལྔ་ལྡི་བྱེ་ལྟར་བཀྲམ།། བ་སུའི་རྒྱུ་ཕྲེང་འཁོར་བར་ལྡན།། གསུར་ཆེན་དུད་པ་རྒྱུན་མི་གཅད།། མཆོད་པའི་རིམ་པ་ཅི
iiif viewer powered by OpenSeadragon
