| e-texts navigator |
| Wylie |
77b1 མཛད་དུ་གསོལ།། ལྗང་ནག་ཁྲ་མགོ་དྲིལ་བུ་ཕུར་བུ་འདྲིལ།། བཏང་སྙོམས་ཆེན་པོའི་ཕྲིན་ལས་མཛད་དུ་གསོལ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ལྷ་ལ་བསྟོད་ཅིང་ཕྲིན་ལས་བཅོལ
77b2 བའི་ལེའུ་སྟེ་སུམ་ཅུ་པའོ།། །། དེ་ནས་ཡང་རྡོ་རྗེ་འདུས་པའི་རྒྱལ་པོས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། རྡོ་རྗེ་ཁྲོས་པའི་རྒྱལ་པོས།། དྲེགས་པ་ཕོ་མོའི་ཆུང་མ་རྣམས།། མ་ཆགས་ཐབས་ཀྱི
77b3 སྦྱོར་བ་ལས།། དགྱེ་བའི་ཕྲིན་ལས་སྤྲོས་པ་ཡི།། མཁའ་འགྲོ་མ་རྣམས་ཇི་ལྟར་སྒྲུབ།། ཅེས་གསོལ་པས། བཀའ་སྩལ་པ་ནི། རྡོ་རྗེ་མཁའ་འགྲོ་སྒྲུབ་པར་འདོད་པས།། དུར་ཁྲོད་ཆེན་པོ་རབ་དབེན་པར།། ར་བ་ཡར
77b4 གྱི་ངོ་ལ་འཇུག། དཀྱིལ་འཁོར་ཟླ་གམ་ལེའུ་དགུ་པ་ལས།། གྲུ་ཆད་དང་ནི་བློ་འབུར་དང་།། བར་ཁྱམས་སྒོ་རིམ་གཉིས་པར་བྱ།། དབུས་སུ་སྔགས་ཀྱི་བདག་པོ་སྟེ།། གཟུགས་དང་བཅས་ནས་དགོད་པར
77b5 བྱའོ།། གོའུ་རཱི་ཙོའུ་རཱི་པྲ་མོ་བེ་ཏ་ལི།། ཕྱོགས་ཀྱི་ལེའུ་ཙེ་དག་ལ་དགོད།། པུཥྤ་གྷསྨ་ཙཎྜ་ལཱི།། མཚམས་ཀྱི་ལེའུ་ཚེ་དག་ལ་དགོད།། སེང་གདོང་སྟག་དང་ཝ་དང་སྦྱང་ཀི་རྣམས།། ཕྱོགས་ཀྱི་གློ་འབུར་བཞི་ལའོ།། བྱ
77b6 རྒོད་དུར་བྱ་བྱ་རོག་འུག་པའི་མགོ། མཚམས་ཀྱི་གྲུ་ཆད་དག་ལའོ།། རྟ་གདོང་ཕག་དང་སྦྲུལ་དང་སེང་གེ་བཞི།། དང་པོ་སྒོ་བཞི་དག་ལའོ།། སྲིན་མོ་ཚངས་མ་ལྷ་ཆེན་གསུམ།། ཤར་སྟོད་ལྕགས་རི་དག
iiif viewer powered by OpenSeadragon
