| e-texts navigator |
| Wylie |
73b1 གསུངས་སོ།། ཡང་གསོལ་པ། དྲེགས་པ་བསྒྲལ་བ་ནི་སླར་གསོལ་སྔར་བཞིན།། དགྲ་བགེགས་བསྒྲལ་ན་ཇི་ལྟར་བསྒྲལ།། ཞེས་གསོལ་པས། བཀའ་སྩལ་པ་ནི། ཏ་ན་ག་ཎ་སྦྱོར་བ་མཛད།། དྲག་པོ་ལས་ཀྱི་བསྒྲལ
73b2 བ་རྣམས།། རྣམ་ཤེས་ཧཱུཾ་གིས་བསྡུས་རྔུབས་ནས།། མི་ལྡོག་དབྱིངས་སུ་ཕཊ་ཀྱིས་འཕངས།། ཟླ་དཀྱིལ་རླུང་གི་སྦྱོར་བས་བསྐྱོད།། དབྱིངས་སུ་ཐིམ་ནས་ཕྱག་རྒྱར་འབར།། ཧཱུཾ་དུ་གྱུར་པས་རྣམ་པར་དག། སྐུར་གྱུར
73b3 འོད་ཟེར་འཕྲོ་བས་བརྗིད།། གཙུག་ཏུ་རྣམ་པར་རྒྱལ་བ་བསྒོམ།། ངོ་མཚར་ངན་འགྲོར་ཐར་པའི་ཐབས།། དེ་ལྟར་བསྐྱེད་ལ་མི་གནས་ཏེ།། མ་གཡོས་དབུ་མའི་དོན་དང་ལྡན།། མྱ་ངན་འདས་པའི་དབྱིངས་སུ
73b4 བཞག། བདེ་བ་ཆེན་པོའི་གནས་ཉིད་དུ།། དེ་ལྟ་བུ་ཡི་དོན་ལྡན་ན།། བསྒྲལ་བ་བྱས་དང་འགལ་མེད་འགྱུར།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བསྟིམ་གཟིར་གདབ་བསྟབ་བསྲེག
73b5 མནན་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་ཡང་རྡོ་རྗེ་འདུས་པས་གསོལ་བ་ནི།། མ་མཐོང་རྨོངས་ལ་བསྟན་པའི་ཕྱིར།། གཟུགས་བརྙན་དཀྱིལ་འཁོར་ཇི་ལྟར་བྲི།། ཐབས་ནི་གང་།།
73b6 ཞེས་གསོལ་བ་དང་། བཀའ་སྩལ་པ་ནི།། གྲུ་གསུམ་ཟླ་གམ་མུ་ཁྱུད་ཟླུམ།། གྲུ་བཞི་པ་ལ་འཁོར་ལོ་བརྒྱད།། བར་ཁྱམས་དང་ནི་སྒོ་བཞི་བཅས།། གྲུ་གསུམ་ནག་ལ་ཟླ་གམ་དམར།། མུ་ཁྱུད་དཀར་ལ་གྲུ་བཞི
iiif viewer powered by OpenSeadragon
