| e-texts navigator |
| Wylie |
71a1 ཏིང་འཛིན་ཕྱོགས་དང་རྫས་དང་ཐབས།། སྔོན་ཟུང་རྗེས་འཇུག་འཁོར་བཀྲ་ཤིས། དེ་ལྟའི་དོན་དང་ལྡན་ན་ནི།། གང་ལ་དམིགས་པ་གདོན་མི་ཟ།། རྡོ་རྗེའི་བྲག་ཀྱང་འཇིག་འགྱུར་ན།། སྡིག་ཅན
71a2 གཞན་ལྟ་སྨོས་ཅི་དགོས།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དྲེགས་པ་ཅན་བསྒྲལ་བའི་ཐབས་བསྟན་པའི་ལེའུ་སྟེ་ཉི་ཤུ་རྩ་བདུན་པའོ།། །། དེ་ནས་ཡང་རྡོ་རྗེ་འདུས་པས
71a3 འདི་སྐད་ཅེས་གསོལ་ཏོ།། ཡེ་ཤེས་ཕུར་པ་བཏབ་པ་བཞིན།། དམིགས་པའི་དགྲ་དང་བགེགས་རྣམས་ལ།། རྫས་ཀྱི་ཕུར་པ་བསྟིམ་པའི་ལས་ནི་གང་།། བདེ་གཤེགས་རྒྱལ་བས་བཤད་དུ་གསོལ།། བཀའ་སྩལ་པ།།
71a4 དབྱེ་བ་དྲག་པོ་ལས་ཀྱི་རིགས།། བསྟིམ་པ་ཞི་སྟེ་དེ་བཞིན་རིགས།། གཟིར་བ་རྒྱས་ཏེ་རིན་ཆེན་རིགས།། བྱད་ལ་དབང་སྟེ་པདྨའི་རིགས།། གདབ་ལ་དྲག་སྟེ་རྡོ་རྗེའི་རིགས།། བསྟབ་པ་ལྷ་ཕུར་ཉིད་ལ་བྱ།། དེ
71a5 ནི་སྤྱི་ཡི་ལས་སུ་བཤད།། གདབ་པའི་གནས་ནི་དུ་ཞིག་ཡོད།། བཀའ་སྩལ་པ། གདབ་པའི་གནས་ནི་ཉི་ཤུ་རྩ་གཅིག་སྟེ།། སྔོན་བྱུང་དྲེགས་པ་ལྔ་བསྒྲལ་ལ།། ལྟེ་བ་ཉིད་དང་གསང་བ་དཔུང་མགོ་དཔྱི་ལ
71a6 གདབ།། དྲེགས་པ་ཆེན་པོ་བསྒྲལ་བ་ཡིན།། སེམས་ཉིད་རྩད་བཅད་སྙིང་ལ་གདབ།། དྲེགས་པའི་ཕྱོགས་སྐྱོང་བསྒྲལ་བ་ཡིན།། བསྒྲལ་བའི་རྣམ་ཤེས་བརྒྱད་ལ་གདབ།། དམ་སྲི་ཆེན་པོ་བསྒྲལ་བ་བཞིན།། དགྲ
iiif viewer powered by OpenSeadragon
