| e-texts navigator |
| Wylie |
70b1 ནས་ཀྱང་།། ཕྱི་ནང་གསང་བའི་མཆོད་བཞེས་ཏེ།། རྟགས་དང་མཚན་མ་བསྟན་པ་དང་།། ཀཱི་ལ་ཡ་ཡི་དངོས་གྲུབ་སྩོལ།། ཞེས་བརྗོད་དོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། རང་བཞིན་གྱི་དཀྱིལ་འཁོར་སྤྱན
70b2 དྲངས་ཤིང་མཆོད་པའི་ལེའུ་སྟེ་ཉི་ཤུ་རྩ་དྲུག་པའོ།། ། དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ།། ཨེ་མ་ཧོ་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ།། འདོད་ཆགས་ཞེ་སྡང་གཏི་མུག་པ
70b3 རྒྱལ་ཕྲག་དོག་རང་བཞིན་ཅན།། དྲེགས་པ་སྒྲོལ་མཁས་ཐུགས་རྗེའི་དཔལ་མགོན་ཏེ།། ཐུགས་རྗེའི་བདག་ཉིད་དེ་ལ་ཕྱག་འཚལ་བསྟོད།། ཐུགས་རྗེ་ཆེན་པོས་དྲེགས་པ་བསྒྲལ་བའི་ཞིང་།། རྗེས་བསྒྲུབ་དྲོད་ཚད་ཟིན
70b4 པར་ངེས་པ་དེས།། དགྲ་བགེགས་དམིགས་པ་བསྒྲལ་བའི་རིམ་པ་གང་།། ཐུགས་རྗེའི་བདག་ཉིད་ཁྱོད་ཀྱིས་བཤད་དུ་གསོལ།། ཞེས་གསོལ་པས།། གསོལ་བའི་དོན་ཐུགས་སུ་ཆུད་ནས། དྲག་པོས་བསྒྲལ་བའི་ཏིང
70b5 ངེ་འཛིན་ལ་མཉམ་པར་བཞག་སྟེ། འདི་སྐད་ཅེས་བཀའ་སྩལ་ཏོ།། དང་པོར་གནོད་པའི་དགྲ་བགེགས་དེ།། ལྷ་དང་རྒྱབ་བརྟེན་དཔུང་དང་དཔྲལ།། དེ་ནས་ངེས་པར་གཟུགས་ལ་བསྟིམ།། འགྱུར་ལྡོག་མེད་པར་བྱེད
70b6 དུ་གཞུག། གཟི་བརྗིད་ཕྲོགས་ཏེ་སྒྲོ་རུ་གཞུག། ཕུར་པས་བཏབ་སྟེ་ངེས་པར་བསྒྲལ།། རྡུལ་དུ་བྱས་ཏེ་ཚོགས་ལ་དབུལ།། ལས་རྣམས་དྲུག་པོ་རེ་རེ་ལ་ཡང་།། དེ་ལ་དྲུག་དྲུག་སུམ་ཅུ་དྲུག། ཆོ་ག་གཞུང་སྔགས་དང
iiif viewer powered by OpenSeadragon
