| e-texts navigator |
| Wylie |
68b1 གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྗེས་འཇུག་ཏིང་འཛིན་གྱི་དཀྱིལ་འཁོར་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། ཁྲོས་པའི
68b2 རྒྱལ་པོ་ལ་འདི་སྐད་ཅེས་གསོལ་ཏོ།། རྗེས་སུ་འཇུག་པའི་རྣལ་འབྱོར་པས།། བདག་གི་སྲས་སུ་ལྷ་རྣམས་བསྐྱེད་པ་དང་། དེའི་སྲས་སུ་བདག་བྱ་བའི་རིམ་པ་ཇི་ལྟར་ལགས།། ཞེས་གསོལ་པས། བཀའ་སྩལ་པ་ནི།།
68b3 འཁོར་བ་ཡོངས་སུ་སྦྱོང་བའི་ཕྱིར།། རང་གི་ངང་ཚུལ་དེ་བཟང་ལགས།། སྔགས་དང་བསྐུལ་ཚིག་འདི་ཡང་བརྗོད།། བྱང་ཆུབ་སེམས་ཀྱི་དབང་སྤྲོས་པས།། ཡེ་ཤེས་འོད་ཀྱིས་ལུས་རྟོག་སྦྱངས།། གསེར་ཞུན་ལྟ་བུའི
68b4 སེམས་དག་ལ།། གསུམ་གྱིས་བྱིན་བརླབས་འོད་ཀྱི་འབྲུ།། ཐུགས་ཀར་ཐིམ་ནས་སྐུ་ཡི་དབྱིབས།། རྡོ་རྗེ་ལས་བྱུང་ཡུམ་གྱི་མཁའ།། ཆོས་ཀུན་བྱང་ཆུབ་སེམས་གནས་སུ།། ལྷ་རྣམས་སོ་སོའི་སྙིང་པོའི་སྒྲས།། རབ་ཏུ
68b5 གསལ་བར་བརྗོད་པའི་སྒྲ།། བྱང་ཆུབ་སེམས་ནི་གསལ་བར་ཐིམ།། དེ་ལས་ཧཱུཾ་ཞེས་རབ་བརྗོད་པས།། གསུང་གི་ཕྱག་རྒྱ་ཉིད་རྫོགས་ནས།། ཐུགས་ཀྱི་ཕྱག་རྒྱ་རབ་ཏུ་འབར།། དེ་ལས་ཕྲ་མོའི་སྐུ་དྨོ
68b6 བསྡུས།། ཕྱག་རྒྱ་ཆེན་པོའི་སྐུ་ཉིད་རྫོགས།། དེ་ཉིད་སྦྱོར་བའི་བྱིན་བརླབས་ལས།། བྷ་ག་ཉིད་དུ་ལྷ་རྣམས་བསམ།། ཛ་དང་ཕཊ་ཀྱི་རྩ་སྔགས་ཀྱིས།། བྷ་གའི་དཀྱིལ་འཁོར་བདག་དང་སྟན་ལ་དགོད།། བཛྲ་བ་ཀཱི་ལ
iiif viewer powered by OpenSeadragon
