| e-texts navigator |
| Wylie |
66b1 ཉམས་དང་རྟགས་བྱུང་ན།། བར་གྱི་རྟགས་སུ་བསྟན་པ་ཡིན།། ཐ་མལ་རྨི་ལམ་སྟོན་པར་འགྱུར།། རྟགས་ཀྱི་མཚན་ཉིད་ལ་ཡང་ནི།། གྲོལ་ས་དང་ནི་ངོ་བོ་སྟེ།། དེ་ཡི་ངོ་བོ་བརྟགས་པར་གཅེས།། དྲོད་ཚད་མཚན་ཉིད
66b2 ལྡན་པ་ནི།། བདལ་བ་ཆེན་པོའི་ཏིང་འཛིན་གྱིས།། ཆོས་ཉིད་མཉམ་ལ་བློ་བཞག་ནས།། ཅི་ཡང་མི་དམིགས་བསམ་ལས་འདས།། ཆོས་ཉིད་ལྟ་བའི་དྲོད་ཚད་དེ།། ག་ཎ་འཆིང་གྲལ་མེད་པའི་ངང་།། དམ་རྫས་བླང
66b3 དོར་མེད་པ་དང་།། ཏ་ན་སྐྱེ་ཤི་མེད་སྤྱོད་དང་།། འདི་སྤྱོད་པ་ཡི་དྲོད་ཚད་ཡིན།། དངོས་སུ་སྣང་བ་སྐུར་གྲུབ་ཅིང་།། སྒྲ་རུ་གྲག་པ་གསུང་དུ་སྟེ།། དངོས་མེད་སྣང་བ་ཐུགས་གྲུབ་ན།། འདི་ནི་བསྒྲུབ་པའི་དྲོད་ཚད
66b4 ཡིན།། སྣོད་ཀྱི་འཇིག་རྟེན་གཞལ་ཡས་ཁང་།། བཅུད་ཀྱི་འཇིག་རྟེན་ལྷར་ཤེས་ཏེ།། ཐམས་ཅད་ཀུན་ཏུ་དཀྱིལ་འཁོར་དེ།། དཀྱིལ་འཁོར་ཆེན་པོའི་དྲོད་ཚད་ཡིན།། བྱར་མེད་ཉིད་ལ་སྤྱོད་བྱེད་ཅིང་།། གང་ལ་སྤྱད
66b5 ཀྱང་བདེ་གཤེགས་ལས།། བྱེད་པ་མི་དམིགས་ཕྲིན་ལས་ཏེ།། འདི་ནི་ཕྲིན་ལས་དྲོད་ཚད་ཡིན།། དབྲི་སྣརོན་མེད་པའི་ཏིང་འཛིན་གྱིས།། གོལ་ས་མེད་པའི་ས་ལ་གནས།། བླང་དོར་མེད་པའི་དབང་རྫོགས་ན།། འདི་ནི
66b6 དབང་གི་དྲོད་ཚད་ཡིན།། དམ་པའི་གཞི་ཉིད་བདེ་གཤེགས་ལ།། ཞལ་ནས་གསུངས་པའི་ཚིག་ཏུ་ཤེས།། དམ་ཚིག་དམ་པ་མཆོག་གི་གཞི།། འདི་ནི་དམ་ཚིག་དྲོད་ཚད་ཡིན།། དེ་ལྟར་རྟགས་དང་དྲོད་ཚད་ཟིན་པས
iiif viewer powered by OpenSeadragon
