| e-texts navigator |
| Wylie |
66a1 སོའི་གནས་རྣམས་སུ།། རྩ་བའི་སྔགས་ཀྱིས་མཛེས་པར་བྱའོ།། འདི་ནི་འཁོར་ལོའི་དབྱེ་བའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྒྲོལ་བྱེད་སློབ་དཔོན་ལས་དང
66a2 གཟུགས་བརྙན་འཁོར་ལོ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ཡང་རྡོ་རྗེ་འདུས་པའི་རྒྱལ་པོས། ཕྱི་རབས་པས་བསྒྲུབ་པའི་དྲོད་དང་། རྟགས་དང་རྫས་བསག་པའི་ཕྱིར། འདི་སྐད་ཅེས་གསོལ་ཏོ།། ཀྱེ
66a3 མ་ཧོ་རྡོ་རྗེ་འདུས་པའི་གཙོ།། རྗེས་སུ་གཞུང་སྤྱོད་རྣལ་འབྱོར་པས།། བསྒྲལ་བའི་རྫས་ནི་ཇི་ལྟར་བསག། བསྒྲུབ་པའི་རྟགས་དང་དྲོད་ཚད་ཅི།། རྒྱལ་བ་དཔའ་བས་བཤད་དུ་གསོལ།། ཞེས་གསོལ་པས།། བཀའ་སྩལ
66a4 པ་ནི། བསྒྲལ་བའི་རྫས་སུ་བསྟན་པ་ནི།། རྒྱ་ཚིལ་འགྲོ་སད་མ་དུད་སྨེ་རྫས་དང་།། བདབ་པའི་ཞབས་མ་མངག་པའི་ཉུང་དཀར་དང་།། མཚོན་གྱི་འདབ་ལྔ་སྐུད་པ་དང་།། དུག་དང་མ་རུངས་སྦྱར་བའི་གཏོར་མ
66a5 དང་།། ལྕགས་ཕྱེ་ཟངས་ཕྱེ་དུག་གཏོར་དང་།། སྲི་ཤིང་ཧོམ་དང་གནན་པའི་ཐོད་པ་དང་།། འདི་ནི་དྲག་པོ་བསྒྲལ་བའི་རྫས།། གྲུབ་པའི་རྟགས་ནི་འདི་ལྟ་སྟེ།། འཕར་དང་འཆོག་དང་ཆགས་པ་དང་།། འགུལ་དང
66a6 ལྡེག་དང་མཆོད་པའོ།། འོད་དང་དུ་བ་འབྱུང་བ་དང་།། རྣལ་འབྱོར་ནམ་མཁར་འགྲོ་བ་དང་།། ས་ལ་མི་ཐོགས་ཆུར་མི་འབྱིང་།། འདི་ནི་རྟགས་རབ་བསྟན་པ་ཡིན།། མཚན་མའི་ལིངྒ་འགུལ་གྱུར་རམ།། དམིགས་རྣོ
iiif viewer powered by OpenSeadragon
