| e-texts navigator |
| Wylie |
64b1 གཅིག་ཤིང་དང་མ་རུངས་པ།། སྔོན་ཆད་ལྷ་མིའི་གཡུལ་ས་དང་།། གཡུལ་བཀྱེ་བ་དང་མཚོན་འཐབ་དང་།། བསད་བཅད་ས་དང་མ་རུངས་པ།། སྲིན་པོ་བསྒྲལ་བའི་བཅས་གཞི་དང་།། སྲོག་ཆགས་བསད་པའི་ཁྲག
64b2 རྗེས་དང་།། གཡུལ་ངོར་བསྐོལ་བའི་ས་མཁར་རྣམས།། མང་པོ་བསད་པའི་ཕུང་བའི་ས།། བྲག་ནི་སྲིན་པོ་ངུས་པ་འདྲ།། རི་ནི་ཐལ་ཕུང་སྙིལ་པ་འདྲ།། ལུང་པ་མེ་ཡིས་བསྲེག་པ་འདྲ།། ཤིང་རྩི་རྐང་ཟང་བྲོས་པ
64b3 འདྲ།། སྒང་དེའུ་མི་རོ་ཕྱུང་བ་འདྲ།། དུར་ཁྲོད་གནས་དང་ཤིང་གཅིག་དྲུང་།། རྒྱ་གྲམ་ལམ་དང་འབྱུང་པོའི་སྲང་།། དྲག་པོའི་ལས་འདི་བྱ་བར་ཤེས།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།།
64b4 བསྒྲལ་བའི་གནས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་རྡོ་རྗེ་འདུས་པས། འདི་སྐད་ཅེས་གསོལ་ཏོ།། ཀྱེ་མ་ཧོ། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ།། རྗེས་སུ་སྒྲུབ་པའི་རྣལ་འབྱོར
64b5 དང་།། བསྒྲལ་བའི་དཀྱིལ་འཁོར་གང་ལགས་པ།། བདེར་གཤེགས་ཁྱོད་ཀྱིས་བཤད་དུ་གསོལ།། བཀའ་སྩལ་པ། སྔགས་མཁན་དག་གི་ཡོན་ཏན་ནི།། རིགས་ཀྱི་རྣལ་འབྱོར་གྲལ་དུ་སྨོས།། ཚུལ་བཟང་ངང་ཚུལ
64b6 བཟང་ལ་ཤིས་པ་དེས།། དང་པོ་ཤེས་རབ་རྣམ་གསུམ་གྱིས།། གཏན་ཚིགས་དོན་ལ་ཡིད་ཆེས་ནས།། དེ་ནས་ངེས་པར་དབང་ཐོབ་སྟེ།། ཐེག་པ་མཐའ་དག་སེམས་ལ་གསལ།། ཕྱོགས་མེད་ལྟ་བ་གདེང་དུ
iiif viewer powered by OpenSeadragon
