| e-texts navigator |
| Wylie |
64a1 པུ་ཛ་ས་མ་ཡེ་ཧཱུཾ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། སྒྲུབ་པའི་དཀྱིལ་འཁོར་གཟུགས་བརྙན་དུ་བཅའ་བའི་ལེའུ་སྟེ་བཅུ་བདུན་པའོ།། །། དེ་ནས་ཡང་རྡོ་རྗེ་འདུས་པས། བཅོམ་ལྡན
64a2 འདས་ཁྲོས་པའི་རྒྱལ་པོ་ལ། འདི་སྐད་ཅེས་གསོལ་ཏེ། དུར་ཁྲོད་འབར་བའི་གནས་ཆེན་དུ།། དྲེགས་ཕྱེད་རྣམས་ནི་བསྒྲལ་བ་བཞིན།། རྗེས་སུ་འཇུག་པའི་རྣལ་འབྱོར་པས།། བསྒྲལ་བའི་གནས་ནི་གང་དུ་བྱ།། རྡོ་རྗེ
64a3 ཁྲོས་པས་བཀའ་སྩལ་པ།། བསྒྲལ་བའི་གནས་ནི་དོན་བཤད་པ།། དེ་ཡང་རྟོགས་པའི་ཚད་དང་སྦྱར།། སེམས་ལ་ཆོས་ཉིད་མི་གསལ་ཞིང་།། ཉམས་དང་ཏིང་འཛིན་གཡེལ་བ་ཡིས།། སྒྲུབ་པའི་དཀྱིལ་འཁོར་ཆེན་པོ
64a4 དེ།། ཤར་ལྷོ་བྱང་ཤར་གང་རུང་དུ།། རྡོ་རྗེ་དྲག་པོའི་ལས་བྱའོ།། དེར་ནི་ངེས་འགྲུབ་ཕུང་འཚེང་མེད།། དམ་ཚིག་ངེས་ཐུབ་ཏིང་འཛིན་བརྟན་པའི་བློ།། དོན་སྤྱོད་རྟགས་ཀྱི་བློ་ཅན་གྱིས།། དྲག་པོའི་གནས་སུ་བྱ་བ
64a5 ལ།། གསང་བ་ཚེར་མ་ཅན་གྱི་རི།། གཅན་གཟན་གདུག་པ་སྣ་ཚོགས་ཡོད།། གནམ་ནི་གྲི་འདྲ་རལ་གྲིའི་ཤུལ།། ས་ནི་གྲུ་གསུམ་མེ་དཔུང་འདྲ།། ལོགས་ལ་དུར་ཁྲོད་གླིང་ཡོད་པ།། ཚེར་མ་ཅན་གྱི་ཤིང་དག
64a6 དང་།། དུག་ཤིང་གདུག་པ་ཡོད་པ་དང་།། བྲག་ལ་ར་རོད་མང་བ་དང་།། ངམ་ས་གྲོགས་པོ་གཏིང་ཟབ་དང་།། སྟག་གི་སོ་འདྲ་སྦྲུལ་གྱི་ལྕེ།། སྡིག་པའི་ར་འདྲ་ཆུ་སྲིན་ཁ།། བ་གླང་སྣ་མཐའ་བྲག་དང་ཆུ་ཡི་བར།། རྐང
iiif viewer powered by OpenSeadragon
