| e-texts navigator |
| Wylie |
62b1 གདགས།། ཨོཾ་བཛྲ་ཀཱི་ལི་ཀཱི་ལ་ཡ་ཨཾ་ཀུ་ཤ་ཧཱུཾ་ཛཿ། དེ་ནི་གདབ་པའི་ལིངྒ་ཡིན།། ཤིང་ཤུན་ཚོན་གང་པ་གཅིག་ལ། དེ་ལ་དགྲ་བགེགས་གཟུགས་བརྙན་བྱ།། དེ་ནི་གཟིར་བའི་ལིངྒར་བཤད།། རས་སམ་གྲོ་གའམ
62b2 ཤོག་ཤོག་ལ།། དགྲ་བགེགས་གཟུགས་བརྙན་རྫོགས་བྲི་སྟེ།། ཁམ་ཤིས་ནག་ལ་གདགས་པ་ནི།། འདི་ནི་བསྟབ་པའི་ལིངྒའོ།། མ་ནིང་ནག་པོའི་ཐོད་པ་ལ།། གྲུ་གསུམ་འབར་བ་ཆ་དྲུག་ལ།། ཡན་ལག་མགོ་དང
62b3 གསང་གནས་བྱ། གྲུ་གསུམ་རྩེ་ལ་འཁོར་ལོ་དྲུག། མཐའ་མ་མཱུ་ཁྱུད་ཟླུམ་པོས་བསྐོར།། འཁོར་ལོ་དྲུག་གི་ཆ་ལ་ནི།། སྔགས་དང་འཕྱོངས་གཉིས་མཐུན་བསྡེབ་པས།། དགྲ་བགེགས་མིང་དང་གཟུགས་བྲིས་ལ།། སྤྱི
62b4 བོར་ཨཱཾ་དང་ཀཱི་ལ་ཡ།། དཔྲལ་བར་རུས་ལ་སྙིང་གར་མིང་།། གཡས་སུ་ཧཱུཾ་ལ་གཡོན་དུ་ཕཊ།། འདོམས་སུ་མཱ་ར་ཡ་ཡང་དགོད།། འདི་ནི་གནན་པའི་ལིངྒའོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། དགྲ
62b5 བགེགས་ཀྱི་གཟུགས་བརྙན་བཅའ་བའི་ལེའུ་སྟེ་བཅུ་དྲུག་པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས། འདི་སྐད་ཅེས་གསོལ་ཏོ།། གོང་དུ་བསྟན་པའི་དཀྱིལ་འཁོར་དེའི།། མི་ཤེས་རྨོངས་ལ
62b6 བསྟན་པའི་ཕྱིར།། གཟུགས་བརྙན་བཅའ་བའི་དཀྱིལ་འཁོར་ཆོ་ག་གང་།། རྗེས་འཇུག་དོན་དུ་བསྟན་དུ་གསོལ།། རྡོ་རྗེ་ཁྲོས་པས་བཀའ་སྩལ་པ།། ས་དང་མཚམས་དང་གོ་མ་ཡི།། ཐིག་དང་ཚོན་དང་ཕྱག་རྒྱ
iiif viewer powered by OpenSeadragon
