| e-texts navigator |
| Wylie |
61b1 རྐུ།། བཟའ་རུ་འདོད་ནས་སྒྲུབ་པ་པོའི།། ཕུད་དང་ལོངས་སྤྱོད་བརྐུས་ནས་ཟ།། དུག་ཏུ་ཤེས་ཀྱང་ལྟོ་རུ་ཟ།། འདོད་པས་ཉམས་པ་བསྒྲལ་བའི་ཞིང་།། འདི་ནི་དམ་ཉམས་བསྒྲལ་བར་བསྟན་པའོ།། དམ་ཚིག་མི་ཤེས
61b2 དམ་ཅན་བཀའ་གཅོག་གི། གསང་སྔགས་གཞུང་སྤྱོད་རྣལ་འབྱོར་ལ།། སྡང་བར་བྱེད་ན་ཕ་ཡང་རུང་།། གནོད་པར་བྱེད་ན་མ་ཡང་རུང་།། གནད་དུ་འཛུག་ན་སྤུན་ཡང་རུང་།། དམ་ལས་ལྡོག་ན་མཆེད་ཀྱང
61b3 རུང་།། སྙིང་རིང་བྱེད་ན་གྲོགས་ཀྱང་རུང་།། དེ་ནི་བཀའ་གཅོག་བསྒྲལ་བའི་ཞིང་།། དེ་ནས་ཡང་རྡོ་རྗེ་འདུས་པའི་རྒྱལ་པོས་གསོལ་པ།། དེ་ལྟར་བསྒྲལ་བའི་ཞིང་དེ་ལ།། བསྒྲལ་བའི་ཡོན་ཏན་ཅི་ལྟར་ལགས།། མ
61b4 བསྒྲལ་པ་ལ་སྐྱོན་ནི་གང་།། ཞེས་གསུངས་པས།། རྡོ་རྗེ་ཁྲོས་པའི་ཡབ་ཀྱིས་བཀའ་སྩལ་པ།། བསྒྲལ་བའི་ཡོན་ཏན་འདི་ལྟ་སྟེ།། དེ་དག་བསྒྲལ་བས་རྣལ་འབྱོར་བཙུན།། བདུད་རྣམས་བཏུལ་ན་བསྟན་པ
61b5 གཉེན།། དམ་མེད་བསྒྲལ་ན་བར་ཆད་ཉུང་།། མེད་པར་གྱུར་ན་བསྟན་པ་རྒྱས།། ཉམས་པ་མེད་ན་དཀོན་མཆོག་ཆེ།། དེ་བས་ཡོན་ཏན་བསམ་མི་ཁྱབ།། མ་བསྒྲལ་བ་ཡི་སྐྱོན་བསྟན་པ།། དམྱལ་ཁམས་འཕེལ་ལ
61b6 མཐོ་རིམ་འགྲིབ།། གཞུང་སྤྱོད་རྣལ་འབྱོར་སྒྱིད་ལུག་ནས།། གསང་སྔགས་ཐེག་པའི་ཆོས་སྒོ་འགག། དམ་ཆོས་སྤང་བའི་གཞིར་གྱུར་ནས།། དོན་ལ་མི་མཐུན་སྐྱོན་ཡོད་དོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ
iiif viewer powered by OpenSeadragon
